ޓްރަމްޕު ބަހާއި އަމަލާއި ދިމާނުވި: އިރާނުގެ ހަކަތައިގެ އިންފްރާސްޓްރަކްޗާއަކަށް ހަމަލާ ދީފި

އިރާނުގެ ހަކަތައިގެ އިންފްރާސްޓްރަކްޗާރ އަކަށް އެމެރިކާއާއި އިޒްރޭލުން ހަމަލާއެއް ދީފައިވާ ކަމަށް ރިޕޯޓުކޮށްފި އެވެ.

އިރާނުގެ ފާސް ނޫސް އޭޖެންސީން ރިޕޯޓުކުރާގޮތުގައި ޔަހޫދީންނާއި އެމެރިކާއިން ވައިގެ މަގުން ހަމަލާތަކެއް އަމާޒުކޮށްފައިވަނީ އީރާނުގެ ޚޯރަމްޝާހު އިންޖީނުގެގެ ގޭސް ހޮޅިއަކަށް އަމާޒުކޮށެވެ.

މި ހަމަލާދީފައިވަނީ މިއަދު މެންދުރުގެ ވަގުތެއްގައި ކަމަށާއި ހަމަލާގެ ކުޑަ ގެއްލުންތަކެއް އެ އިންޖީނުގެއާއި ގުޅުންހުރި ގޭސް އެޑްމިނިސްޓްރޭޝަން ބިލްޑިންގާއި ގޭސް ޕްރެޝަރު ރެގިއުލޭޝަން ސްޓޭޝަނަށް ލިބިފައިވާ ކަމަށްވެސް ރިޕޯޓުތައް ބުނެއެވެ.

ނަމަވެސް ހިދުމަތް ދިނުމަށް ބުރޫ އަރާވަރުގެ ގެއްލުމެއް ލިބިފައިނުވާ ކަމަށާއި ހަކަތައިގެ ހިދުމަތްތައް ހުއްޓުމެއްނެތި އެސަރަހައްދަށް ދެމުންދާކަމަށްވެސް ރިޕޯޓުތައް ބުނެއެވެ.

މި ހަމަލާ ދީފައި ވަނީ ކަރަންޓުގެ އިންފްރާސްޓްރަކްޗާއަށް ހަމަލާ ކުރިޔަށް އޮތް 5 ދުވަހު ހަމަލާ ނުދޭނެ ކަމަށް އެމެރިކާގެ ރައީސް ޑޮނަލްޑް ޓްރަމްޕް ބުނެފައި ވަނިކޮށެވެ.