ޔޫއޭއީގައި ހުރި އެމެރިކާގެ ސެޓެލައިޓް ކޮމިއުނިކޭޝަން ސެންޓަރަކަށް އިރާނުން ހަމަލާދީފި

ޔޫއޭއީގައި ހުރި އެމެރިކާގެ ސެޓެލައިޓް ކޮމިއުނިކޭޝަން ސެންޓަރަކަށް އިރާނުން ހަމަލާދީފި އެވެ.

މިކަން ހާމަކޮށްފައިވަނީ އިރާނުގެ އަސްކަރިއްޔާ އިސްލާމިކް ރިވޮލިއުޝަނަރީ ގާޑް ކޯރސް އާއި ހަވާލާދީ އެގައުމުގެ ދައުލަތުގެ މީޑީއާއެއް ކަމަށްވާ ތަސްނީމް ނިއުސް އެޖެންސީންނެވެ.

ތަސްނީމް ނިއުސް އެޖެންސީން ރިޕޯޓުކުރާ ގޮތުގައި އައިއާރުޖީސީގެ ކަނޑުގެ ސިފައިން ވަނީ ޔޫއޭއީގައި ހުންނަ އެމެރިކާގެ ބޭސްއެއް ކަމަށްވާ އަލް ދަފްރާ އެއާ ބޭސް އަށް ޑްރޯން ހަމަލާއެއް ދީފައި އެވެ.

އެގޮތުން މި ހަމަލާގައި، އީރާނުން ވަނީ އެމެރިކާގެ ސެޓެލައިޓް ކޮމިއުނިކޭޝަން ސެންޓަރަކާއި، އަވަސް އިންޒާރުދޭ ރާޑަރުތަކާއި، އަލިފާން ކޮންޓްރޯލް ރާޑަރުތަކަަށް އަމާޒުކޮށް ގެއްލުންތަކެއް ދީފައި އެވެ.

މި ހަމަލާއާއި ގުޅިގެން އަދި މިހާތަނަށް ޔޫއޭއީން ރަސްމީ ބަހެއް ބުނެފައި ނުވެއެވެ.