އެސްޓީއޯއިން ވިއްކާ ތެލުގެ އަގަށް ބަދަލު ގެނެސްފި

ސްޓޭޓް އޯގަނައިޒޭޝަން (އެސްޓީއޯ) އިން ވިއްކާ ތެލުގެ އަގަށް ބަދަލު ގެނެސްފި އެވެ.

އެސްޓީއޯގެ ދަށުން ހިންގާ ފިއުލް ސަޕްލައި މޯލްޑިވްސް އިން ވިއްކާ ތެލުގެ އަގަށް ބަދަލު ގެނެސް އެތަންތަނުން ޕެޓްރޯލް އަދި ޑީސަލް ވިއްކާ އާ އަގުތައް އާންމުކޮށްފައިވަނީ، މެދުއިރުމަތީގައި ހިންގަމުންދާ ހަނގުރާމަ އާއި ގުޅިގެން ދުނިޔޭގެ ބާޒާރުގައި ތެލުގެ އަގު އުފުލިފައިވާ ދަނޑިވަޅާ ގުޅިގެންނެވެ.

އެސްޓީއޯއިން އާންމުކޮށްފައިވާ އަގުތަކަށް ބަލާއިރު ފެޓްރޯލް ލީޓަރެއް މިއަދުން ފެށިގެން 16.01 ރުފިޔާއަށް ވިއްކާއިރު، ކުރިން ޕެޓްރޯލް ލީޓަރެއް ވިއްކަނީ 13.50 ރުފިޔާ އަށެވެ. އަދި ޑީސެލް ލީޓަރެއް މިއަދުން ފެށިގެން 17.54 ރުފިޔާއަށް ވިއްކާއިރު، ކުރިން ވިއްކަނީ ލީޓަރެއް 13.92 ރުފިޔާ އަށެވެ.

މިއާއެކު ޕެޓްރޯލްގެ އަގަށް 2.51 ރުފިޔާ އިތުރުވެފައިވާއިރު، ޑީސަލްގެ އަގަށް 3.62 ރުފިޔާ މިވަނީ އިތުރުވެފަ އެވެ.

ދިވެހިންނަށް ދަތިކަމެއް ނެތި ތެލާއި ގޭސް ލިބޭނެ ކަމުގެ ޔަގީންކަން ސަރުކާރުން މިވަނީ ދީފަ އެވެ. އަދި ނޫސްވެރިންގެ ބައްދަލުވުމުގައި އިގްތިސޯދީ މިނިސްޓަރު މުހައްމަދު ސައީދު ވަނީ ދުނިޔޭގެ ބާޒާރުގައި ތެލުގެ އަގު 25% އާއި 30% އަށް އުފުލިފައިވާކަން ފާހަގަކޮށްފަ އެވެ.