ހަމަދު އިންޓަނޭޝަނަލް އެއާޕޯޓަށް ހަމަލާދޭން އިރާނުން ކުރި މަސައްކަތް ފެއިލްކޮށްލައިފިން - ގަތަރު

އިރާނުން މެދުއިރުމަތީގައި ގައުމުތަކުގައި ހުރި އެމެރިކާގެ އަސްކަރީ މަރުކުތަކާއި އެމެރިކާ އަސްކަރިއްޔާއިން ބޭނުންކުރަމުން އަންނަ އިތުރު ތަންތަނަށް ދެމުންދާ ހަމަލާތަކުގެ ތެރެއިން ގަތަރުގެ މައި އެއާޕޯޓު ހަމަދު އިންޓަނޭޝަނަލް އެއާޕޯޓަށް ހަމަލާދިނުމަށް މަސައްކަތް ކުރިކަން ގަތަރުން ހާމަކޮށްފި އެވެ.

މެދުއިރުމަތީގައި ފެށިފައިވާ ހަނގުރާމައާއި ގުޅޭގޮތުން މައުލޫމާތު ދެއްވަމުން ގަތަރުގެ ފޮރިން މިނިސްޓްރީގެ ތަރުޖަމާނު މަޖީދު އަލް އަންސާރީ މިއަދު ބޭއްވ ނޫސްވެރިންގެ ބައްދަލުވުމެއްގައި ވިދާޅުވީ އިރާނުން ގަތަރުގެ ސަރަހައްދުތަކަށް ހަމަލާތައް ދޭން ފެށީ އެއްވެސް އިންޒާރެއް ދިނުމެއް ނެތި ކަމަށެވެ. އެގޮތުން ފާއިތުވި 2 ދުވަހުގެ ތެރޭގައި އިރާނުން ވަރުގަދަ ހަމަލާތަކެއް ގަތަރުގެ ސަރަހައްދުތަކަށް ދިން ނަމަވެސް އެ ހަމަލާތައް ހުއްޓުވުނީ ގަތަރުގެ އަސްކަރިއްޔާގެ ފުރިހަމަ ގާއިމްކަމާއި ހެދި ކަމަށާއި އެކަމުންވެސް އިރާނުގެ ހަމަލާތަކަށް ގަތަރު ނުސިހޭނެކަން ސާބިތުކޮށްދީފައިވާކަމުގައި އޭނާ ވިދާޅުވިއެވެ.

އޭނާ ވަނީ ގަތަރުގެ މައި އެއާޕޯޓު ހަމަދު އިންޓަނޭޝަނަލް އެއާޕޯޓަށް އަމާޒުކޮށް އިރާނުން ހަމަލާތަކެއް ފޮނުވާލާފައިވާކަންވެސް ހާމަކޮށްފައެވެ. ނަމަވެސް މި ހަމަލާ ދިނީ ކޮން އިރަކު ކަމެއް އޭނާ ހާމަކޮށްފައިނުވާއިރު މި ހަމަލާވެސް ގަތަރުގެ ވައިގެ ދިފާއީ ބާރުން ހުއްޓުވާފައިވާކަން ވަނީ ކަށަވަރުކޮށްދެއްވާފައި އެވެ.

އިތުރު ތަފްސީލް އަންނަނީ ..