ދަތުރުވެރިޔާ އުމްރާ ގްރޫޕާއެކު ރަމަޟާން މަހު އުމްރާއަށްދާ ފަރާތްތަކަށް މައުލޫމާތު ބައްދަލުވުން ބާއްވައިފި

ދަތުރުވެރިޔާ އުމްރާ ގްރޫޕާއެކު މި ރަމަޟާން މަހު އުމްރާއަށްދާ ފަރާތްތަކަށް މައުލޫމާތު ބައްދަލުވުން ބާއްވައިފި އެވެ.

މިއީ ރަމަޟާން މަހު ދަތުރުވެރިޔާ އުމުރާ ގުރޫޕްގެ ފަރާތުން އުމުރާއަށް ވަޑައިގަންނަވާ ބޭފުޅުންނަށް ފުރުމުގެ ކުރިން މުހިންމު މައުލޫމާތުތައް ހިއްސާކުރުމަށް ބޭއްވި ހާއްސަ ބައްދަލުވުމެކެވެ.

ދަތުރުވެރިޔާ ގްރޫޕާއެކު ރަމަޟާން އުމްރާއަށް ދާ އުމްރާވެރިން ރާއްޖެއިން ފުރުމަށް ހަމަޖެހިފައިވަނީ 2026 މާރިޗް 4 ވަނަ ދުވަހު އެވެ. ދަތުރުވެރިޔާގެ ރަމަޟާން އުމްރާ އަކީ ރަމަޟާން މަހުގެ ފަހު 15 ދުވަސް އަދި ޝައްވާލްމަހުގެ 6 ދުވަސް ހިމެނޭގޮތަށް 21 ދުވަސް މައްކާ އަދި މަދީނާގައި ހޭދަކުރާނެ އެވެ. މި ދަތުރުގައި އުމްރާވެރިންނަށް 5 އުމްރާ ކުރުމުގެ ފުރުސަތު ލިބިގެންދާނެ އެވެ.

ދަތުރުވެރިޔާ އުމްރާ ގްރޫޕަކީ މިހާރު ރާއްޖޭގެ ގިނަބައެއްގެ މަގުބޫލުކަން ހޯދާފައިވާ އިތުބާރުހުރި އުމްރާ ގްރޫޕެކެވެ. ދަތުރުވެރިޔާ އުމްރާ ޕެކޭޖުތައް އެކުލަވާލެވިފައިވަނީވެސް ލުއިފަސޭހަ ގޮތްތައް އިހުތިޔާރު ކުރެވޭ ގޮތަށެވެ. އެގޮތުން ބަހާލައިގެން ފައިސާ ދެއްކުމާއި، ގްރޫޕްތަކަށް ޑިސްކައުންޓާއި ކޮޓަރި ހަމަޖައްސައިދެއެވެ.

ދަތުރުވެރިޔާގެ ކޮންމެ އުމްރާ ޕެކޭޖެއް އިހުތިޔާރުކުރި ނަމަވެސް ހަރަމްފުޅާ ކައިރިން ހޮޓެލް ހަމަޖައްސައިދެއެވެ. އަދި ހަތަރު އިރު ދިވެހި ރަހަތައް ލިބޭނެ އިންތިޒާމްތައް ހަމަޖައްސާފައިވަނީ ސައޫދީ ސަރުކާރުން ނަގަންޖެހޭ އެންމެހާ ހުއްދަތައް ނަގައިގެންނެވެ. ދަތުރުވެރިޔާގެ ކޮންމެ އުމްރާ ވެރިއަކަށްވެސް 5 އުމްރާ ކުރުމުގެ ފުރުސަތު ހިލޭ ލިބިގެންދާނެ އެވެ. އަދި މައްކާ މަދީނާގެ ހާއްސަ ތަންތަނަށް ޒިޔާރަތް ކުރާނެ އެވެ. އުމްރާވެރިން ފުރުމުގެ ކުރިން އުމްރާ ކިޓު ހަވާލުކުރާނެއެވެ. މި ކިޓުގައި އިހުރާމް، ފޮތި، ދުއާ ކާޑު، ބެކްޕެކް, ވެއިސްޓް ބޭންޑް އަދި ފައިވާން ދަބަސް ހިމެނޭނެ އެވެ.

ދަތުރުވެރިޔާ އުމްރާ ގްރޫޕުން ވަނީ ކުރިއަށް ހުރި އުމްރާ ދަތުރުތަކަށް ހާއްސަ ޑިސްކައުންޓެއް ލިބޭ ޕްރޮމޯޝަނެއް ފަށާފައެވެ. 2000 ރުފިޔާއާ ހަމައަށް ޑިސްކައުންޓް ލިބޭ މި ޕްރޮމޯޝަންގައި، ބަހާލާއިގެން ފައިސާ ދެއްކުމުގެ ފުރުސަތުވެސް ވަނީ ހުޅުވާލާފައެވެ. އެގޮތުން ރަޖިސްޓްރޭޝަން ފީ ދެއްކުމަށްފަހު ވަކި މުއްދަތެއްގެ ތެރޭގައި ފައިސާ ހަމަކުރުމުން މި ޑިސްކައުންޓް ލިބިގެންދާނެ ކަމަށް ދަތުރުވެރިޔާ ގްރޫޕުން ވަނީ ބުނެފައެވެ. އެ ގްރޫޕާއެކު އުމްރާއަށް ދާ އާއިލާތަކާއި 10 އަހަރުން ދަށުގެ ކުޑަކުދިންނަށް ހާއްސަ އަގުތަކެއް ވެސް ވަނީ ކަނޑައަޅައިފަ އެވެ. ދަތުރުވެރިޔާ ގްރޫޕުގެ އުމްރާ ދަތުރުތަކާ ގުޅޭ އިތުރު މައުލޫމާތު 9476612 އިން ލިބޭނެ އެވެ.