ރޯދަ މަހު ފެރީ ދަތުރުތަކާއި ބަސް ދަތުރުތަކުގެ ގަޑިތައް ކަނޑައަޅައިފި

ރޯދަ މަހު ފެރީ ދަތުރުތަކާއި ބަސް ދަތުރުތައް ކުރާ ގަޑިތަކަށް ބަދަލު ގެނެސް، ގަޑިތައް ކަނޑައަޅައިފި އެވެ.

މޯލްޑިވްސް ޓްރާންސްޕޯޓް އެންޑް ކޮންޓްރެކްޓިން ކޮމްޕެނީ (އެމްޓީސީސީ) އިން ބުނީ ފެރީގެ ހިދުމަތްތުގެ ގޮތުގައި 24 ގަޑިއިރު ހިދުމަތްދޭ މާލެ- ވިލިމާލެ ފެރީގެ ހިދުމަތް ހަވީރު 5:50 އިން 7:00 އާ ހަމައަށް މެދު ކަނޑައިލާނެ ކަމަށެވެ.

ހަމައެއާއެކު މާލެ- ތިލަފުށީ ފެރީ ހަވީރު 5:00 އިން 7:00 އަށް އަދި މާލެ- ގުޅީފަޅު ފެރީ ރޫޓް 4:15 އިން 5:00 އާ ހަމައަށް މެދު ކަނޑައިލަން ހަމަޖެހިފައިވާ ކަމަށް އެމްޓީސީސީން ބުންޏެވެ. އަދި ހުޅުމާލެ- މާލެ ފެރީގެ ހިދުމަތް 3:00 ގެ ފަހުން މެދު ކަނޑައިލަން ހަމަޖެހިފައިވާ ކަމަށް އެމްޓީސީސީން ބުންޏެވެ.

މާލެ ސަރަހައްދުގައި ކުރިއަށްގެންދާ އާރްޓީއެލް ބަހުގެ ދަތުރުތައް ކުރާ ގަޑިތަކަށްވެސް އެމްޓީސީސީން ވަނީ ބަދަލު ގެނެސްފަ އެވެ.

އެގޮތުން މާލެ-ހުޅުމާލެ، ހުޅުމާލެ- އެއާޕޯޓު، މާލެ- އެއާޕޯޓު ބަހުގެ ހިދުމަތް ހަވީރު 5:00 އިން 7:00އާ ހަމަށް މެދުކަނޑައިލާނެކަމަށްވެސް އެމްޓީސީސީން ބުންޏެވެ.އެމްޓީސީސީން ބުނީ ހުޅުމާލެ އިންޓާނަލް ބަހުގެ ހިދުމަތް ހަވީރު 5:15 އިން 7:15 އަށް މެދުކަނޑައިލެވޭނެ ކަމަށެވެ. އަދި މާލެ އިންޓާނަލް ބަހާއި، ވިލިމާލެ ބަހުގެ ހިދުމަތް އިރުއޮއްސި 6:00 އިން ރޭގަނޑު 9:00 އަށް މެދުކަނޑައިލެވޭނެކަމަށް އެމްޓީސީސީން ބުންޏެވެ.