"ވިމެން އިން އޭވިއޭޝަން ސެކިއުރިޓީ ޕްރޮގްރާމް" ފަށައިފި

ޑައިރެކްޓަރޭޓް އޮފް އޭވިއޭޝަން ސެކިއުރިޓީ އެޑްމިނިސްޓްރޭޝަނާއި ޔޫ.ކޭ.ގެ ޑިޕާޓްމަންޓް އޮފް ޓްރާންސްޕޯޓް ގުޅިގެން ކުރިއަށް ގެންދިއުމަށް ހަމަޖެހިފައިވާ "ވިމެން އިން އޭވިއޭޝަން ސެކިއުރިޓީ ޕްރޮގްރާމް" ފަށައިފިއެވެ.

ފެބްރުއަރީ މަހުގެ 2 – 12 އަށް ކުރިއަށް ގެންދިއުމަށް ހަމަޖެހިފައިވާ މި ޕްރޮގްރާމަކީ އޭވިއޭޝަން ސެކިއުރިޓީގެ ދާއިރާގައި މަސައްކަތްކުރާ އަންހެނުންނަށް އަމާޒުކޮށްގެން ބާއްވާ މިފަދަ ފުރަތަމަ ޕްރޮގްރާމެވެ.

މި ޕްރޮގްރާމުގެ މައިގަނޑު އަމާޒަކީ، އޭވިއޭޝަން ސެކިއުރިޓީ ދާއިރާގެ ހޭލުންތެރިކަމާއި ފަންނުވެރިކަން ހަރުދަނާކޮށް، މި ދާއިރާގައި މިންތީގެ ހަމަހަމަކަން ކުރިއެރުވުމެވެ.

މި ޕްރޮގްރާމް ފެށުމުގެ ރަސްމިއްޔާތުގައި، ޑެޕިއުޓީ މިނިސްޓަރ އޮފް ޑިފެންސް، ފާޠިމަތު މިޒްނާ ޢަލީއާއި، އިނގިރޭސިވިލާތުން ރާއްޖެއަށް ކަނޑައަޅުއްވާފައި ހުންނަވާ ޑެޕިއުޓީ ހައިކޮމިޝަނަރ މުޙައްމަދު ތައުފީޤް ވަހަބް އަދި ޔޫ.ކޭ.ގެ ޑިޕާޓްމަންޓް އޮފް ޓްރާންސްޕޯޓްގެ ޑެޕިއުޓީ ޑިރެކްޓަރ، ހެޑް އޮފް އޭވިއޭޝަން ސެކިއުރިޓީ އިންޓަރނޭޝަނަލް އޮޕަރޭޝަންސް، ޑެވީނާ ހެންޑަރސަން ބައިވެރިވެވަޑައިގެންނެވިއެވެ.