ފެނަކައިން ކުރިޔަށްގެންދާ ލޭ ހާދިޔާކުރުމުގެ ގައުމީ ކެމްޕެއިން "ލޭފަވެތި ފެނަކަ" މިފަހަރު އައްޑޫގައި!

ފެނަކަ ކޯޕަރޭޝަނުން އިސްނަގައިގެން ކުރިޔަށްގެންދާ ލޭ ހަދިޔާކުރުމުގެ ކެމްޕޭން، "ލޭފަވެތި ފެނަކަ" އައްޑޫ ސިޓީގައި ކުރިޔަށް ގެންދިޔުމަށް ނިންމައިފި އެވެ.

ފެނަކައިން ފެނަކައިން ޚިދުމަތް ދޭ ހުރިހާ ރަށެއް ޝާމިލްވާ ގޮތަށް ހުރިހާ އަތޮޅެއްގައި ކުރިއަށް ގެންދިޔުމަށް ހަމަޖެހިފައިވާ މި ޙަރަކާތް ފަށާފައިވަނީ، 23 ޑިސެމްބަރ 2025 ގައި މާލޭ ހެޑް އޮފީހުގައި ކުރިއަށް ގެންދިޔަ ލޭ ހަދިޔާ ކުރުމުގެ ޙަރަކާތުންނެވެ.

އެގޮތުން މާލޭގައި ކުރިޔަށްގެންދިޔަ ހަރަކާތުގައި ، ހެޑް އޮފީހުގައި މަސައްކަތްކުރާ މުވައްޒަފުން ބައިވެރިވެ، ލޭ ހަދިޔާ ކޮށްފައިވެއެވެ.

ފެނަކައިން މިއަދު ބުނީ ލޭ ލިބުމުގައި ދަތިތަަކެއް ދިމާވެ، އާްމުންގެ އެހީއަށް ބޭނުންވެފައިވާ މި ދަނޑިވަޅާ ދިމާކޮށް، އައްޑޫ ސިޓީގައި މި މަހުގެ 15 ގެ ކުރިން ފެނަކައިގެ ލޭ ހަދިޔާ ކުރުމުގެ ކެމްޕޭން "ލޭފަވެތި ފެނަކަ" ކުރިއަށް ގެންދިޔުމަށް ތާވަލުކޮށް، ކެމްޕޭން ހިންގުމަށް ވާންޖެހޭ ތައްޔާރީތައް މިހާރު ވަމުން އަންނަ ކަމަށެވެ.

މިގޮތުން އައްޑޫގައި މި ޙަރަކާތް ކުރިއަށް ގެންދިޔުމަށް ހަމަޖެހިފައިވަނީ ފެނަކަ މުވައްޒަފުންނާއި، އާއިލާތަކުގެ އިތުރުން އާއްމުންނަށްްވެސް ބައިވެރިވެ ލޭ ހަދިޔާ ކުރެވޭގޮތަށެވެ.

ފެނަކައިން ކުރިޔަށްގެންދާ މި ޚާއްސަ ހަރަކާތަކީ މޯލްޑިވްސް ބްލަޑް ސަރވިސް އާއި ގުޅިގެން އެކުންފުނީން ކުރިޔަށްގެންދާ ހަރަކާތެކެވެ.