ފަތުރުވެރިން- ފޮޓޯ:ގާފު
ސައުތު އޭޝިއަން ޓްރެވަލް އެވޯޑްސް (ސަޓާ)އަށް ކުރިމަތިލުމުގެ ފުރުސަތު ހުޅުވާލައިފި އެވެ.
ދެކުނު އޭޝިއާގެ ފަތުރުވެރިކަމުގެ ސިނާއަތުގައި ދޭ ހިދުމަތްތަކުގެ އަގުވަޒަންކުރާ މި އެވޯޑު މިއަހަރު ބޭއްވުމަށް ހަމަޖެހިފައިވަނީ އަވައްޓެރި ސްރީލަންކާގެ ވެރިރަށް ކޮލަމްބޯގަ އެވެ. މިއަހަރު ވެގެންދާނީ މި އެވޯޑް ބާއްވާ 10 ވަނަ އަހަރެވެ.
މިއަހަރުގެ އެވޯޑުގައި އައު ދެ ކެޓަގަރީއެއް ތައަރާފްކޮށްފައިވެއެވެ. އެއީ އެންމެ މޮޅު ޝެފާއި އެންމެ މޮޅު ޒުވާން ހޮޓެލިއާގެ ކެޓަގަރީތަކެވެ. އަދި އެންމެ މޮޅު ޒުވާން ހޮޓެލިއާގެ ކެޓަގަރީއަށް ކުރިމަތިލެވޭނީ 40 އަހަރު ފުރިފައިނުވާ ފަރާތްތަކަށް އެކަނި އެވެ.
ސަޓާ އެވޯޑަކީ މުޅި ދެކުނު އޭޝިއާ ސަރަހައްދުގައި ބާއްވާ އެންމެ ބޮޑު އެއް ޓްރެވަލް އެވޯޑެވެ.
ރާއްޖޭގެ ވިޒިޓް މޯލްޑިވްސް ކޯޕަރޭޝަނާއި ޓްރެވަލް އޭޖެންޓުންގެ އެސޯސިއޭޝަން (އާޓާ)އާއި، ރާއްޖޭގެ ބޯޓިން އެސޯސިއޭޝަނާއި، ސްރީލަންކާގެ ހޮޓެލްތަކުގެ އެސޯސިއޭޝަން ފަދަ ދެކުނު އޭޝިއާ ސަރަހައްދުގައި ފަތުރުވެރިކަމާ ބެހޭ މައި 15 އިދާރާއަކުން މި އެވޯޑު އެންޑޯޒްކޮށްފައިވެއެވެ.
ފަހުގެ
