އިންޓަރނޭޝަނަލް ކެޑޭޓް އެކްސްޗޭންޖް ޕްރޮގްރާމުގެ ކެޑޭޓުން އެމްއެންޑީއެފް ކޯސްޓްގާޑު ޝިޕް ހުރަވީއަށް ޒިޔާރަތްކޮށްފި

އިންޓަރނޭޝަނަލް ކެޑޭޓް އެކްސްޗޭންޖް ޕްރޮގްރާމުގައި ބައިވެރިވާ ކެޑޭޓުން، އެމްއެންޑީއެފް ކޯސްޑްގާޑު ޝިޕް ހުރަވީއަށް މިއަދު ޒިޔާރަތްކޮށްފިއެވެ.

އެމްއެންޑީއެފުން ވަނީ މި ޒިޔާރަތުގައި އެމްއެންޑީއެފް ކޯސްޓްގާޑު އަދި ކޯސްޑްގާޑު ޝިޕް ހުރަވީގެ ތަޢާރަފާއި، އަދާކުރާ ޒިންމާތަކާއި މަސްއޫލިއްޔަތާ ގުޅޭ ގޮތުން މަޢުލޫމާތު ދީފައިވާކަން ހާމަކޮށްފައި އެވެ

މި ޒިޔާރަތުގެ ބައިވެރީންނަށް މަޢުލޫމާތު ފޯރުކޮށްދިނީ އެމްއެންޑީއެފް ކޯސްޑްގާޑު ޝިޕް ހުރަވީގެ ސިފައިންނެވެ.

މި ޒިޔާރާތުގައި ބަންގްލަދޭޝް، ނޭޕަލް، އިންޑިއާ، އަދި ސްރީލަންކާއަށް ނިސްބަތްވާ 16 ފޮރެން ކެޑޭޓުންނާއި، އެ ގައުމުތަކުން 4 އާމީ އޮފިސަރުންނާއި، އެމްއެންސީސީން 5 ކެޑޭޓް އިންސްޓްރަކްޓަރުން ބައިވެރިވިއެވެ.