ހުޅުލެއާ ދިމާ ބޭރުން މިރޭ ހަވާ އަރުވަނީ

ހުޅުލެއާ ދިމާ ބޭރުން މިރޭ ހަވާ އަރުވާނެ ކަމަށް މޯލްޑިވްސް ނޭޝަނަލް ޑިފެންސް ފޯސް (އެމްއެންޑީއެފް) އިން ބުނެފި އެވެ.

އެމްއެންޑީއެފުން ބުނީ މިރޭ 20:30 ގައި ހުޅުލޭ އައިލެންޑް ހޮޓެލްއާ ދިމާ ބޭރުން ހަވާއަރުވާނެ ކަމަށެވެ.

އެމްއެންޑީއެފުން ބުނީ މިރޭ ހަވާއެރުވުން ކުރިއަށްދަނީ ވިޔަފާރި އުސޫލުން ކަމަށެވެ. އަދި ހަވާ އެރުވުމަށް ހަމަޖެހިފައިވަނީ 3 މިނެޓަށް ކަމަށް އެމްއެންޑީއެފުން ބުންޏެވެ.

އެމްއެންޑީއެފްއިން މީގެކުރިންވެސް، އެކި މުނާސަބަތަކާ ގުޅުވައިގެން މާލެ އާއި ބައެއް ރަށްރަށުގައިވެސް ހަވާ އަރުވައިދީފައިވެ އެވެ.