logoEN
Sto top
ވީޑިއޯ: ތޫފާނާއި ގުޅިގެން މީހުން ސަލާމާތްކުރަން ހަރަކާތްތެރިވި ލަންކާގެ އަސްކަރީ ހެލިކޮޕްޓަރެއް ވެއްޓިއްޖެ

ވީޑިއޯ: ތޫފާނާއި ގުޅިގެން މީހުން ސަލާމާތްކުރަން ހަރަކާތްތެރިވި ލަންކާގެ އަސްކަރީ ހެލިކޮޕްޓަރެއް ވެއްޓިއްޖެ

އަހުމަދު ޝުރާއު

logo

11/30/2025, 1:12:11 PM

# ސްރީ ލަންކާ

ލަންކާއަށް އެރި ބާރުގަދަ ތޫފާނާއި ގުޅިގެން މީހުން ސަލާމާތްކުރަން ހަރަކާތްތެރިވި ލަންކާގެ އަސްކަރީ ހެލިކޮޕްޓަރެއް ވެއްޓިއްޖެ އެވެ.

Wamco

ލަންކާގެ ނޫސްތަކުން ރިޕޯޓުކުރާ ގޮތުގައި އެހީތެރިކަން ފޯރުކޮށްދިނުމަށް ހަރަކާތްތެރިވަމުންދިޔަ ލަންކާ އެއާފޯސްގެ ބެލް 212 މަރުކާގެ ހެލިކޮޕްޓަރެއް ލުނުވިލާ އާއި ވެންނަޕުއާ ދެމެދު އޮތް ސަރަހައްދަކަށް ވަނީ ވެއްޓިފައި އެވެ.

View post on Twitter

ބައެއް ރިޕޯޓުތައް ބުނާގޮތުގައި މި ހެލިކޮޕްޓަރު ވެއްޓިފައިވަނީ އެސަރަހައްދުގައި ތާށިވެފައި ތިބި ބަޔަކު ސަލާމާތްކުރަން އުޅުމުގެ ތެރޭފައި އެވެ.

ލަންކާ ފުލުހުންނާއި ހަވާލާދީ ލަންކާގެ ނޫސް ރިޕޯޓުތައް ބުނާގޮތުގައި ހެލިކޮޕްޓަރު ވެއްޓުނު އޭގައި 5 ސިފައިން ތިއްބެވެ. އަދި އެ އެންމެންވެސް މިހާރު ސަލާމާތްކޮށް ހޮސްޕިޓަލުގައި ފަރުވާދެމުންދާކަމަށެވެ.

ލަންކާގެ ޑިޒާސްޓާ މެނޭޖްމަންޓް ސެންޓަރު (ޑީއެމްސީ) އިން ކާރިސާއާއި ގުޅޭ އެންމެ ފަހުގެ މައުލޫމާތު ހާމަކުރަމުން ބުނެފައިވަނީ ކާރިސާގައި މަރުވި މީހުންގެ އަދަދު 200 އަށްވުރެ މައްޗަށް އަރާފައިވާ ކަމަށެވެ. އަދި ގެއްލުނު މީހުންގެ އަދަދުވެސް މިވަގުތާއި ހަމައަށް 210 އަށް އަރާފައިވާ ކަމަށެވެ.

ބޯކޮށް ވާރޭވެހި މަގުތައް ހަލާކުވެ، ކަރަންޓާއި މުވާސަލާތީ ހިދުމަތްތައް ކެނޑިގެން ދިޔަ ނަމަވެސް މީހުން ހޯދުމުގެ މަސައްކަތް ދަނީ ކުރަމުންނެވެ. މޫސުން ރަނގަޅުވާން ފެށިނަމަވެސް ކޯރުތައް ބަންޑުންޖަހާލައި ބިންގަނޑަށް އޭގެ އަސަރުކޮށް ބިންގަނޑު ކަނޑައިގެން ދިޔުމުގެ ގިނަ ހާދިސާތަކެއް މިއަދު ލަންކާގެ އެކި ކަންކޮޅުތަކުގައި ދަނީ ހިނގަމުންނެވެ. އަދި ބިންގަނޑު ކަނޑައިގެން ދިޔުމުގެ ފުރުސަތު ބޮޑު ލަންކާގެ އާބާދީތައްވެސް ބޮޑު ބައެއް ސަރަހައްދުތައް ހިމެނޭހެން ގިނަ ސަރަހައްދުތަކެއް އަންނަނީ ހުސްކުރަމުންނެވެ.

މި ތޫފާނުގެ ސަބަބުން ލަންކާގެ ސެންޓްރަލް، ސަބަރަގަމުވާ، ނޯތު ވެސްޓަރން އަދި ނޯތު ސެންޓްރަލް ޕްރޮވިންސްތަކަށް ބޮޑެތި ގެއްލުންތަކެއް ލިބި، އެތައް ހާސް ބަޔަކު ގެދޮރު ދޫކޮށް ދާން ޖެހި، އަސާސީ ހިދުމަތްތަކަށް ބޮޑެތި ގެއްލުންތަކެއް ވަނީ ލިބިފަ އެވެ. ޓްރައި ފޯސަސް، ޕޮލިސް، ޑިޒާސްޓާ މެނޭޖްމަންޓް ސެންޓަރުގެ ޓީމުތަކާއި ވޮލަންޓިއަރުން ދަނީ އެކަހެރި ކޮމިއުނިޓީތަކާ ހަމައަށް ވާސިލުވުމަށް 24 ގަޑިއިރު މަސައްކަތް ކުރަމުންނެވެ.

އަދި މި އޮޕަރޭޝަންތައް އަދިވެސް ކުރިޔަށްދިޔުމާއިއެކު ފެންބޮޑުވުމުގެ ސަބަބުން މަރުވާ މީހުންގެ އަދަދު އިތުރުވާނެ ކަމަށް ކަމާބެހޭ ފަރާތްތަކުން ވަނީ ބުނެފަ އެވެ.

E living
ކޮމެންޓް
E living
ފަހުގެ
HDC