އެސްޓީއޯއިން ރާއްޖެއަށް އޮރެންޖު އެތެރެކޮށް ބާޒާރަށް ނެރެފި، ކިލޯއެއް 35 ރުފިޔާއަށް!

ރާއްޖޭގައި މޭވާގެ އަގުތައް އުފުލިފައިވަނިކޮށް އެސްޓީއޯއިން ރާއްޖެއަށް އޮރެންޖު އެތެރެކޮށް ހެޔޮ އަގެއްގައި ވިއްކަން ފަށައިފި އެވެ.

އެސްޓީއޯއިން މިއަދު ބުނީ އޮރެންޖު މިހާރު ބާޒާރަށް ނެރެފައިވާ ކަމަށާއި ވިއްކަން ހަމަޖެހިފައިވަނީ 35 ރުފިޔާއަށް ކިލޯއެއް ކަމަށެވެ.

އަދި އޮރެންޖު ލިބެންހުންނާނީ އެސްޓީއޯ ޕީޕަލްސް ޗޮއިސް ފިހާރައިން ކަމަށްވެސް ވަނީ ހާމަކޮށްފައި އެވެ.

އެސްޓީއޯއިން އޮރެންޖު ޝިޕްެމެންޓެއް ރާއްޖެ ގެނެސް ވިއްކަން ފަށާފައިމިވަނީ ރާއްޖޭގައި މޭވާގެ އަގުތައް އިންތިހާއަށް އުފުލުމާއި ގުޅިގެން ގިނަ ބަޔަކު އެކަމުގެ ކަންބޮޑުވުން ފާޅުކުރަމުންދާ ދަނޑިވަޅެއްގައި އެވެ.