ލަންކާގެ ކުރީގެ ރައީސް ރަނިލް ރާއްޖޭގައި - ފޮޓޯ : އަހުމަދު ޝުރާއު
ލަންކާގެ ކުރީގެ ރައީސް ރަނިލް ވިކްރަމަސިންހަ ހައްޔަރުކޮށްފި އެވެ.
ލަންކާގެ ރިޕޯޓުތައް ބުނާގޮތުގައި ރައީސް ރަނިލް ފުލުހުންގެ ބެލުމުގެ ދަށަށް ގެންގޮސްފައިވަނީ ކޮލަމްބޯގައި ހުންނަ ކްރިމިނަލް އިންވެސްޓިގޭޝަން ޑިޕާޓްމަންޓް (ސީއައިޑީ) އަށް ހާޒިރުވުމާއިއެކުގައި އެވެ. އެގޮތުން އޭނާ ހައްޔަރުކޮށްފައިވަނީ ދައުލަތުގެ ފައިސާއަށް ހިޔާނާތްތެރިވުމުގެ ތުހުމަތުގައި އެވެ.
ރިޕޯޓުތައް ބުނާގޮތުގައި ރަނިލްގެ މައްޗަށް ކުރަނީ ޔުނިވާސިޓީއެއްހެ ދަސްވެނިވުމުގެ ރަސްމިއްޔާތެއްގައި ބައިވެރިވެވަޑައިގަތުމަށް ލަންޑަނަށް ކުރެއްވި އަމިއްލަ ދަތުރަކާ ގުޅިފައިވާ ޚަރަދުތަކަށް ފައިސާ ދެއްކުމަށް ދައުލަތުގެ ފައިސާ ބޭނުންކުރެއްވި ކަމުގެ ތުހުމަތެވެ. އިންވެސްޓިގޭޓަރުން ބުނަނީ ބޮޑު ބައިނަލްއަގުވާމީ ދަތުރެއްގެ ތެރެއިން ކުރި މި ދަތުރަކީ ރަސްމީ ވާޖިބެއް ނޫން ކަމަށާއި އެއީ ސަރުކާރުގެ ވަސީލަތްތަކުން ހަރަދުކޮށްގެން ކުރި ދަތުރެއް ކަމަށެވެ.
މި މަހުގެ ކުރީކޮޅު ރަނިލްގެ ވެރިކަމުގައި ޕްރެޒިޑެންޝަލް ސެކްރެޓަރީކަން ކުރެއްވި ސަމަން އެކަނަޔަކަ އާއި ކުރީގެ ޕްރައިވެޓް ސެކްރެޓަރީ ސަންޑްރާ ޕެރޭރާ އާވެސް މި މައްސަލައާއި ގުޅިގެން ސުވާލުކޮށްފައިވެއެވެ. އެދެމީހުންނާއި ސުވާލުކުރީ މި ދަތުރު އިންތިޒާމު ކުރުމުގައި ބައިވެރިވި ކަމަށް ބުނެ އެވެ.
2022 ވަނަ އަހަރުން ފެށިގެން 2024 ވަނަ އަހަރާ ހަމައަށް ސްރީލަންކާގެ ރައީސްކަމުގެ މަގާމު ފުރުއްވި ވިކްރަމަސިންހައަކީ ފާއިތުވި އަހަރުތަކުގައި ލަންކާގައި ހައްޔަރުކުރި އެންމެ މަތީ ދަރަޖައިގެ ސިޔާސީ ޝަހްސިއްޔަތެވެ.
ގުޅުންހުރި
ހައްޔަރުގައި ހުރި ރަނިލްގެ ސިއްހީ ހާލުކޮޅު ގޯސްވެ އައިސީޔޫގައި ފަރުވާދެނީ
ލަންކާގެ ކުރީގެ ރައީސް ރަނިލް ހައްޔަރުކޮށްފި
ލަންކާގެ އެއާޕޯޓަކަށް އެއް ދުވަހަށް އިންޓަނޭޝަނަލް އެއާޕޯޓެއްގެ ދަރަޖަދީފި
ލަންކާގެ ކަނޑުގެ ސަރަހައްދުން 800 ކިލޯއަށްވުރެ ގިނަ މަސްތުވާތަކެއްޗާއި އެކު މަސްބޯޓެއް އަތުލައިގެންފި
ފަހުގެ
