ސްޓެލްކޯ މުވައްޒަފުންގެ މެދުގައި ލޭ ހަދިޔާކުރުމުގެ ޕްރޮގްރާމެއް ކުރިޔަށް ގެންގޮސްފި

ސްޓެލްކޯ މުވައްޒަފުންގެ މެދުގައި ލޭ ހަދިޔާކުރުމުގެ ޕްރޮގްރާމެއް ކުރިޔަށް ގެންގޮސްފި އެވެ.

އެކުންފުނީން މިއަދު ބުނީ ލޭ ބޭނުންވާ ފަރާތްތަކަށް ފަސޭހަކަމާއެކު ލޭ ލިބޭނެ މަގު ތަނަވަސްކޮށްދިނުމުގެ މަޤްޞަދުގައި އެ ކުންފުނީގެ މުވައްޒަފުންގެ މެދުގައި ލޭ ހަދިޔާކުރުމުގެ ޚާއްޞަ ޕްރޮގްރާމެއް މިއަދު ކާމިޔާބުކަމާއެކު ކުރިއަށް ގެންގޮސްފައިވާ ކަމަށެވެ.

އެގޮތުން މި ހަރަކާތް ކުރިޔަށް ގެންގޮސްފައިވަނީ މޯލްޑިވިއަން ބްލަޑް ސާރވިސަސްއާ ގުޅިގެން ކަމަށް އެކުންފުނީން ބުނެއެވެ.

މި ހަރަކާތުގައި ކުންފުނީގެ ގިނަ އަދަދެއްގެ މުވައްޒަފުންނާއި އިސްވެރިން ވަނީ ބައިވެރިވެފައި އެވެ.

ސްޓެލްކޯއިން އަބަދުވެސް ގެންދަނީ ކުންފުނީގެ މުވައްޒަފުންނާއި ގުޅިގެން މުޖުތަމައުތައް ފައިދާކުރާނެ އެކި ހަރަކާތްތައް ކުރިޔަށް ގެންދަމުންނެވެ. އެގޮތުން މިފަދަ ޕްރޮގްރާމުތަކަށް މުވައްޒަފުންގެ ފަރާތުން ބޮޑު ތަރުހީބެއް ލިބޭކަން އެކުންފުނީން ފާހަގަކުރެއެވެ.