logoEN
Sto top
އަމިއްލަ ދަނޑުގައި ބޯންމައުތު އަތުން ލިވަޕޫލަށް އުނދަގޫ މޮޅެއް

އަމިއްލަ ދަނޑުގައި ބޯންމައުތު އަތުން ލިވަޕޫލަށް އުނދަގޫ މޮޅެއް

ހަސަން ޝަމްއޫން

logo

8/15/2025, 8:40:56 PM

# އިނގިރޭސި ޕްރިމިއާ ލީގު# ލިވަޕޫލް# ބޯންމައުތު# ބޭރު ދުނިޔޭގެ ކުޅިވަރު

ލިވަޕޫލާއި ބޯންމައުތު ވާދަކުރި މެޗުގެ ތެރެއިން

އިނގިރޭސި ޕްރެމިއާ ލީގުގެ ކުޅުން މިރޭ ފެށިއިރު، ފުރަތަމަ މެޗުގައި އެންމެ ފަހުގެ ޗެންޕިއަން ލިވަޕޫލް އަމިއްލަ ދަނޑުގައި ބޯންމައުތާއި ދެކޮޅަށް ކުޅުނު މެޗު. ވާދަވެރި ކުޅުމަކަށްފަހު 2-4 ގެ ނަތީޖާއަކުން ލިވަޕޫލް އިން ކާމިޔާބުކޮށްފިއެވެ.

Wamco

މެޗުގެ ފުރަތަމަ ހާފުގައި ގިނަވަގުތު ބޯޅަ ހިފަހައްޓައިގެންކުޅެ ލިވަޕޫލުން މެޗު ޑޮމިނޭޓްކުރިއިރު، މިހާފުގައި ދެޓީމުން ވެސް ވަނީ ލަނޑުޖަހާނެ ރަނގަޅު ފުރުސަތުތަކެއް ތަނަވަސްކޮށްފައެވެ. އަދި މިމެޗުގައި ފުރަތަމަ ލަނޑުޖަހައި ކުރިހޯދީ ލިވަޕޫލުންނެވެ.

މިލަނޑު ފުރަތަމަ ހާފުގެ 37 ވަނަ މިނެޓުގައި އެޓީމަށް ކާމިޔާބުކޮށްދިނީ ދާދި ފަހުން އެޓީމާއި ގުޅުނު ފުރާންސްގެ ފޯވާޑް ހޫގޯ އެކަޓިކޭ އެވެ. މިއީ އެޓީމުގެ އާޖެންޖީނާ މިޑްފީލްޑަރު އެލެކްސިސް މާކް އެލިސްޓާ ތަނަވަސްކޮށްދިން ފުރުސަތެއްގައި އޭނާ ކާމިޔާބުކޮށްދިން ލަނޑެކެވެ. އަދި މިލަނޑާއެކު ފުރަތަމަ ހާފުގެ ކުޅުން ނިމިގެންދިޔައީ 1-0 ގެ ނަތީޖާއަކުން ލިވަޕޫލް ކުރީގައި އޮވެގެންނެވެ.

މެޗުގެ ދެވަނަ ހާފު ވެސް ވަރުގަދަކޮށް ފެށީ ލިވަޕޫލް އިންނެވެ. ނަތީޖާއެއްގެ ގޮތުން ދެވަނަ ހާފު ފެށިގެން ހަތަރުވަނަ މިނެޓުގައި އެޓީމުން ވަނީ އިތުރު ލަނޑެއް ކާމިޔާބުކޮށްފައެެވެ. މިލަނޑު އެކަޓިކޭ ތަނަވަސްކޮށްދިން ފުރުސަތެއްގައި އެޓީމަށް ކާމިޔާބުކޮށްދިނީ ފޯވާޑް ކޯޑީ ގައްޕޯ އެވެ.

ބޯންމައުތު ނަތީޖާގެ ފަރަގު ކުޑަކުރި ލަނޑު ދެވަނަ ހާފުގެ 64 ވަނަ މިނެޓުގައި ފޯވާޑް އެންޓޮއިން ސެމެންޔޯ ކާމިޔާބުކުރިއިރު، އޭގެ 12 މިނެޓްފަހުން ސެމެންޔޯ ވަނީ އިތުރު ލަނޑެއް ކާމިޔާބުކޮށް އެޓީމަަށް މެޗުގެ ނަތީޖާ އެއްވަރުކޮށްދީފައެވެ.

ލިވަޕޫލުން ދެވަނަ ފަހަރަށް ލީޑުހޯދި ލަނޑު މެޗުގެ 88 ވަނަ މިނެޓުގައި ފެޑެރީކޯ ކިއޭސާ ކާމިޔާބުކުރިއިރު، އެޓީމުގެ ހަތަރުވަނަ ލަނޑު މެޗުގެ އިތުރު. ވަގުތުގެ ތެރޭގައި ކާމިޔާބުކޮށްދިނީ ތަޖުރިބާކާރު ފޯވާޑް މުހައްމަދު ސަލާހް އެވެ. އަދި މިލަނޑާއެކު މެޗުގެ ކުޅުން ނިމިގެންދިޔައީ 4-2 ގެ ނަތީޖާއަކުން ލިވަޕޫލް ކުރީގައި އޮވެގެންނެވެ.

E living
ކޮމެންޓް
E living
ފަހުގެ
HDC