މައްސަލަ ހައްލުކޮށް ކަރަންޓު ކެނޑުނު ހުރިހާ ސަރަހައްދަކަށް ކަރަންޓުދީފި

މާލެ އާއި ހުޅުމާލެއިން ކަރަންޓު ކެނޑުނު ހުރިހާ ސަރަހައްދަކަށް ކަރަންޓު ދީފިއެވެ.

ސްޓެލްކޯއިން ބުނީ. ކަރަންޓުގެ ހިދުމަތް މެދުކެނޑެން ދިމާވި މައްސަލަ ހައްލުކޮށް، ހިދުމަތް މެދުކެނޑުނު މާލެއާއި ހުޅުމާލޭގެ ހުރިހާ ސަރަހައްދަކަށް މިހާރު ވަނީ އަލުން ކަރަންޓު ދެވިފައިވާ ކަމަށެވެ.

އަދި ހިދުމަތް ނުލިބޭ އެއްވެސް ކަސްޓަމަރެއްވާނަމަ، ސްޓެލްކޯގެ ހޮޓްލައިން 104 އަށް ގުޅުއްވުމަށް ވަނީ އެދިފައި އެވެ. އަދި ދިމާވި ދަތިތަކަށް ހުރިހާ ކަސްޓަމަރުންގެ ކިބައިން މަޢާފަށްވެސް އެދިފައިވެއެވެ.

ކުއްލި ގޮތަކަށް ކަރަންޓު ކެނޑުމާއި ގުޅިގެން މިއަދު މެންދުރު ސްޓެލްކޯއިން ބުނީ ސްޓެލްކޯއިން ބުނީ ދިމާވި ޓެކްނިކަލް މައްސަލައަކާއި ގުޅިގެން މާލެއާއި ހުޅުމާލޭގެ ބައެއް ސަރަހައްދުތަކުން ކަރަންޓު ކެނޑުނީ ކަމަށެވެ. ނަމަވެސް ދިމާވީ ސީދާ މައްސަލައެއް ސްޓެލްކޯއިން ހާމައެއް ނުކުރެއެވެ.