logoEN
Sto top
ސަރުކާރުން ބޭނުންވާ ފެންވަރަށް ތަރައްޤީކުރުމަށް ދަރަވަންދޫ އެއާޕޯޓާއި އައިއޭއެސްއިން ހަވާލުވަނީ

ސަރުކާރުން ބޭނުންވާ ފެންވަރަށް ތަރައްޤީކުރުމަށް ދަރަވަންދޫ އެއާޕޯޓާއި އައިއޭއެސްއިން ހަވާލުވަނީ

އަހުމަދު ޝުރާއު

logo

8/13/2025, 5:09:36 PM

# އައިލެންޑް އޭވިއޭޝަން

--

ސަރުކާރުން ބޭނުންވާ ފެންވަރަށް ތަރައްޤީކުރުމަށްޓަކައި ބ. ދަރަވަންދޫ އެއާޕޯޓު އައިލެންޑް އޭވިއޭޝަނަށް ހޯދުމަށްޓަކައި މަސައްކަތް ކުރަމުންދާކަން ހާމަކުރައްވައިފި އެވެ.

Wamco

މިކަން ހާމަކުރެއްވީ މިހާރު ރައީސް ޑރ މުހައްމަދު މުއިއްޒު ބ އަތޮޅަށް ކުރައްވަމުން ގެންދަވާ ރަސްމީ ދަތުރުފުޅުގެ ތެރެއިން މިރޭ އެރަށުގެ ރައްޔިތުންނާއި ބައްދަލުކުރައްވައި ދެއްކެވި ވާހަކަފުޅުގައި އެވެ.

އެގޮތުން ރައީސް ވިދާޅުވީ މިދިޔަ ދުވަސްތަކުގައި ދަރަވަންދޫ އެއާޕޯޓު ތަރައްގީކުރުމަށް މާގިނަ މަސައްކަތްތަކެއް ކުރެވިފައިވާ ނުވާ ކަމަށާއި އެހެންކަމުން އެއާޕޯޓަށް އިންވެސްޓުކޮށް، އެ އެއާޕޯޓު ތަރައްގީކޮށްފައިވާ ފަރާތާ ސަރުކާރުން މަޝްވަރާކުރަން ނިންމާފައިވާ ކަމަށެވެ. އަދި ދެފަރާތުން އެއްބަސްވެވޭ ފަދަ އެއްބަސްވުމަކަށް އައުމާއިއެކު އެއާޕޯޓު އައިލެންޑް އޭވިއޭޝަނާއި ހަވާލުކޮށް ސަރުކާރާއި އަތޮޅުގެ ރައްޔިތުން ބޭނުންވާ ފެންވަރަށް އެއާޕޯޓު ތަރައްޤީކޮށް އޮޕަރޭޓްކުރުމަށް މިހާރު ނިންމަވާފައިވާ ކަމަށެވެ.

އެއާޕޯޓުތައް ތަރައްގީކުރުމަށް އެ މަނިކުފާނު ވައުދުވެވަޑައިގެންފައިވާނެ ކަން ފާހަގަކުރައްވައި ރައީސް ވިދާޅުވީ އޭގެ ތެރޭގައި ދަރަވަންދޫ އެއާޕޯޓު ތަރައްގީކުރުމަށްވެސް ނިންމަވާފައިވާނެ ކަމަށެވެ.

މިއާއިއެކު ގާނޫނާއި ގަވާއިދާއި އުސޫލުތަކާ އެއްގޮތްވާ ގޮތުގެ މަތިން އައިލެންޑް އޭވިއޭޝަނާ ދަރަވަންދޫ އެއާޕޯޓު ހަވާލުކުރުމަށް، އެއާޕޯޓަށް އިންވެސްޓުކޮށްފައިވާ ފަރާތާއެކު ވަރަށް އަވަސްމިނެއްގައި އެއްބަސްވުމަކަށް އަންނަން މަސައްކަތްކުރައްވާނެ ކަމަށް އެ މަނިކުފާނު ވިދާޅުވިއެވެ.

ދަރަވަންދޫ އެއާޕޯޓު 2012 ވަނަ އަހަރު ތަރައްގީކޮށް، އެ އެއާޕޯޓު ހަވާލުކޮށްފައިވަނީ އެއާޕޯޓަށް އިންވެސްޓުކުރި ކޯސްޓްލައިން ހޮޓެލް އެންޑް ރިސޯޓްސްއާ އެވެ. ހަމަ އެ އަހަރު ކޯސްޓްލައިނުން ވަނީ ދަރަވަންދޫ އެއާޕޯޓުގެ ހިންގުން އައިލެންޑް އޭވިއޭޝަނާ ހަވާލުކޮށްފައެވެ. ނަމަވެސް އެއާޕޯޓު ތަރައްގީގެ މަސައްކަތްތައް ކުރުމުގެ އެއްވެސް ބާރެއް އައިލެންޑް އޭވިއޭޝަނަކަށް ނޯވެއެވެ.

E living
ކޮމެންޓް
E living
ފަހުގެ
HDC