އައިލެންޑް އޭވިއޭޝަންގެ ޗެއާމަންކަމުން މިހާދު ވަކިކޮށްފި

ރާއްޖޭގެ ގައުމީ އެއާލައިން ހިންގާ އައިލެންޑް އޭވިއޭޝަން ސާވިސްގެ ޑިރެކްޓަރުންގެ ބޯޑުގެ ޗެއަރޕާސަންގެ މަގާމުން މުހައްމަދު މިހާދު މަގާމުން ވަކި ކުރައްވައިފިއެވެ.

މިއަދު ޕްރައިވަޓައިޒޭޝަން އެންޑް ކޯޕަރަޓައިޒޭޝަން ބޯޑު (ޕީބީސީ)ން ވިދާޅުވީ، މިހާދު އެ މަގާމުން މިއަދުން ފެށިގެން ވަކި ކުރައްވާފައިވާ ކަމަށެވެ. ނަމަވެސް އޭނާ ވަކިކުރެއްވި ސަބަބެއް ހާމަކޮށްފައެއް ނުވެއެވެ.

މިހާދުއަކީ މީގެ ކުރިން އެކުންފުނީގެ މެނޭޖިންގ ޑިރެކްޓަރުކަންވެސް ކުރެއްވި ބޭފުޅެކެވެ. އަދި އެމްއޭސީއެލްގެ ބޯޑު ޑިރެކްޓަރުގެ މަގާމާއި އެމްޓީޑީސީގެ މެނޭޖިން ޑިރެކްޓަރުގެ މަގާމު ވެސް އަދާކުރައްވާފައި ވެއެވެ.

މިހާދު މޯލްޑިވިއަންގެ ޗެެއާމަން ކަމަށް އައްޔަނުކޮށްފައިވަނީ މިއަހަރުގެ ޖެނުއަރީ މަހުގެ ތެރޭގައި އެވެ.

މި ބަދަލުގެ އިތުރުން ސަރުކާރު ހިއްސާވާ އެހެން ދެ ކުންފުންޏެއްގެ ބޯޑަށްވެސް ޕީސީބީއިން މިއަދު ވަނީ ބަދަލުގެނެސްފައި އެވެ.