މިއަހަރުގެ ރާވެރިޔާ ވޮލީބޯޅަ މުބާރާތުގައި ބައިވެރިވުމުގެ ފުރުސަތު ހުޅުވާލައިފި

ގއ. ނިލަންދޫ ކައުންސިލްގެ ފަރާތުން އިންތިޒާމުކޮށް ބާއްވަމުން އަންނަ "ރާވެރިޔާ ވޮލީ މުބާރާތް" މިއަހަރުގެ ނޮވެމްބަރ މަހުގެ 01 ވަނަ ދުވަހު ފެށުމަށް ތާވަލުކޮށް މުބާރާތުގައި ބައިވެރިވުމުގެ ފުރުސަތު ދެކޮނުގެ ހަތަރު އަތޮޅަށް ހުޅުވާލައިފިއެވެ.

ނިލަންދޫ ކައުންސިލުން އަންގާރަ ދުވަހު ގެޒެޓްކުރި އިއުލާނުގައިވާ ގޮތުން މިއަހަރުގެ ރާވެރިޔާ ވޮލީ މުބާރާތް ވެސް ކުރިއަށް ގެންދިއުމަށް ހަމަޖެހިފައިވަނީ އަންހެން އަދި ފިރިހެން ދެ ޑިވިޛަނަށް ބަހާލައިގެންނެވެ. އަދި މިމުބާރާތުގައި ބައިވެރިވުމުގެ ފުރުސަތު ހުޅުވާލެވިފައި ވަނީ ގއ، ގދ، ޏ، އަދި ސ އަތޮޅުގެ ރަށްތަކަށެވެ. އަދި މުބާރާތް ކުރިޔަށްދާނީ ގއ.ނިލަންދޫ ފިޓްނެސް އެންޑް ރެކްރިއޭޝަން ސެންޓަރގެ ވޮލީ ކޯޓުގައެވެ.

މިއަހަރުގެ މުބާރާތުގެ ކޮންމެ ޑިވިޛަނެއްގެ ޗެންޕިއަން ޓީމަށް 50,000/- (ފަންސާސްހާސް) ރުފިޔާގެ އަދި ކޮންމެ ޑިވިޝަނެއްގެ ރަނަރަޕް ޓީމަށް 25,000 (ފަންސަވީސްހާސް) ރުފިޔާގެ ފައިސާގެ އިނާމް ދިނުމަށްވަނީ ހަމަޖެހިފައެވެ.

މީގެ އިތުރުން މި މުބާރާތުގައި ބައިވެރިވެލައްވަން ބޭނުންވާ ޓީމުތަކުން 18 ސެޕްޓެމްބަރ 2025 ވާ ބުރާސްފަތި ދުވަހުގެ 14:00 ގެ ކުރިން މުބާރާތުގައި ބައިވެރިވާން އެދި ހުށަހަޅާ ފޯމް ފުރިހަމަކުރެއްވުމަށްފަހު، ނިލަންދޫ ކައުންސިލްގެ އިދާރާއަށް ހުށަހެޅުއްވުމަށް އެ އިދާރާއިން ވަނީ އެދިފައެވެ. އަދި މިމުބާރާތުގެ ހިންޤާ ޤަވާއިދާއި، މުބާރާތުގައި ބައިވެރިވުމަށް އެދި ހުށަހަޅާ ފޯމް އަދި ޓީމް ލިސްޓް ހުށަހަޅާ ފޯމް ދިވެހި ސަރުކާރުގެ ގެޒެޓުންނާއި ކައުންސިލް އިދާރާއިން ލިބޭނެކަމަށް ވަނީ ބުނެފައެވެ.

މީގެ އިތުރުން މިމުބާރާތާއި ބެހޭ އިތުރު މައުލޫމާތު ސާފުކުރެއްވުމަށް ބޭނުންފުޅުވާނަމަ ކައުންސިލްގެ މެމްބަރ ޒިޔާދު މުޙައްމަދު ( ފޯން: 9114482 ) އާއި ގުޅުއްވުމަށް ނިލަންދޫ ކައުންސިލުން ވަނީ އެދިފައެވެ.