
ތަފާތުބޮޑު ނަތީޖާއަކުން ޑްރީމް އެފްސީ ބަލިކޮށް ރުއްދަށް އެސްސީ ފައިނަލުން ޖާގަ ހޯދައިފި
# ކުޑަހުވަދޫ ކައުންސިލް ފުޓްސަލް މުބާރާތް 2025# ދިވެހި ކުޅިވަރުރުއްދަށް އެސްސީ އާއި ޑްރީމް އެފްސީ ވާދަކުރި މެޗުގެ ތެރެއިން.. ފޮޓޯ: ކުޑަހުވަދޫ ކައުންސިލް
މިހާރު ކުރިއަށްދާ "ކުޑަހުވަދޫ ކައުންސިލް ފުޓްސަލް މުބާރާތް 2025" ގެ ފިރިހެން ޑިވިޝަން ސެމީފައިނަލް ދެވަނަ މެޗުގައި ފަސޭހަކަމާއެކު 7-2 ގެ ތަފާތުބޮޑު ނަތީޖާއަކުން ޑްރީމް އެސްސީ ބަލިކޮށް ރުއްދަށް އެސްސީ އިން މުބާރާތުގެ ފައިނަލުން ޖާގަ ހޯދައިފިއެވެ.

މުބާރާތުގެ ސެމީފައިނަލުން ޑްރީމް އެސްދީ ޖާގަހޯދީ ގުރޫޕް ސްޓޭޖުގައި ކުޅުނު ހަތަރު މެޗުން ވެސް މޮޅުވެ 12 ޕޮއިންޓާއެކު ގުރޫޕް ދޭއްގެ އެއްވަނަ ޓީމުގެ ގޮތުގައެވެ. އަދި ރުއްދަށް އެސްސީ ސެމީފައިނަލުން ޖާގަހޯދީ ގުރޫޕް ސްޓޭޖުގައި ކުޅުނު ހަތަރު މެޗުން ހޯދި ހަ ޕޮއިންޓާއެކު ގުރޫޕް އެކެއްގެ ދެވަނަ ޓީމުގެ ގޮތުގައެވެ.
މެޗުގެ ފުރަތަމަ ހާފުގައި ދެޓީމުގެ ފަރާތުން ވާދަވެރި ކުޅުމެއް ފެނިގެންދިޔައިރު ފުރަތަމަ ހާފުގެ ކުޅުން ނިމިގެންދިޔައީ 2-1 ގެ ނަތީޖާއަކުން ޑްރީމް އެފްސީ ކުރީގައި އޮވެގެންނެވެ. ނަމަވެސް ދެވަނަ ހާފުގައި ރުއްދަށުން ވަނީ އެޓީމުގެ ކުޅުން ރަނގަޅުކޮށް އެޓޭކުތައް އިތުރަށް ވަރުގަދަކޮށްފައެވެ. ނަތީޖާއެއްގެ ގޮތުން މިހާފުގައި އެޓީމުން ވަނީ އިތުރު ހަ ލަނޑު ކާމިޔާބުކޮށްފައެވެ.
އެގޮތުން މިމެޗުގައި ރުއްދަށް އެސްސީގެ ހާރޫން އިބްރާހިމް ތިން ލަނޑު ކާމިޔާބުކޮށް ހެޓްރިކް ހެދިއިރު، އެޓީމުގެ ހުސެއިން ރުވައިދު ވަނީ ދެލަނޑު ކާމިޔާބުކޮށްފައެވެ. އަދި އެޓީމުގެ ހުސެއިން އައިހަމް އެއްލަނޑު ކާމިޔާބުކުރިއިރު، އަނެއް ލަނޑަކީ ޑްރީމް އެފްސީގެ އާމިލް އަލީ އަތުން ބައިކޮޅަށް ވަން ލަނޑެކެވެ.
މީގެ އިތުރުން މިމެޗުގައި ޑްރީމް އެފްސީގެ އަޔާޒް މުހައްމަދު އަދި އަލީ ފަހުމީ މިއިން ކޮންމެ ކުޅުންތެރިއަކު އެއްލަނޑު ކާމިޔާބުކުރިއިރު، މެޗުގެ މޮޅު ކުޅުންތެރިއަކަށް ހޮވުނީ ރުއްދަށް އެސްސީގެ ހާރޫން އިބްރާހިމް އެވެ.
މިނަތީޖާއެކު މިމަހުގެ 17 ވަނަ ދުވަހުގެ ރޭ ކުޅޭ މުބާރާތުގެ ފައިނަލުގައި ރުއްދަށް އެސްސީ އިން ނުކުންނާނީ ސެމީފައިނަލުގެ ދެވަނަ މެޗުގައި 4-0 ގެ ނަތީޖާއަކުން ޑްރީމް އެފްސީ ބަލިކޮށް ފައިނަލުން ޖާގަހޯދި ރުއްދަށް އެސްސީ އާއި ދެކޮޅަށެވެ.
8 އޮގަސްޓް 2025 އިން 17 އޮގަސްޓް 2025 ގެ ނިޔަލަށް، ކުރިއަށްދާ މިމުބާރާތުގައި މިއަހަރު ޖުމްލަ ހަ ޓީމަކުން ބައިވެރިވެފައިވާއިރު، މުބާރާތުގެ މެޗުތައް ކުރިއަށް ދަނީ ބައިވެރިވި ހަ ޓީމު ދެގުރޫޕަކަށް ބަހާލައިގެންނެވެ. އަދި ކޮންމެ ގުރޫޕަކުން ވެސް އެންމެ ރަނގަޅު ނަތީޖާއެއް ހޯދާ ދެޓީމު ސެމީފައިނަލަށް ހޮވޭގޮތަށެވެ.
ޗެންޕިއަން ޓީމަށް 20،000 އަދި ރަނަރަޕް ޓީމަށް 10،000 ރުފިޔާގެ ފައިސާގެ އިނާމެއް ހުށަހަޅާފައިވާއިރު މުބާރާތުގެ އޮފިޝަލް މީޑިއާ ޕާޓްނަރަކީ ގާފު ސްޕޯޓްސް އެވެ.
ގުޅުންހުރި

ތަފާތުބޮޑު ނަތީޖާއަކުން ޑްރީމް އެފްސީ ބަލިކޮށް ރުއްދަށް އެސްސީ ފައިނަލުން ޖާގަ ހޯދައިފި

ފަސޭހަކަމާއެކު އެޓޭކް އެޓޭކް އެޓޭކް ބަލިކޮށް ގުޅުން ކަންމަތި ފައިނަލުން ޖާގަ ހޯދައިފި

ޓާފް ކުއީންސް ބަލިކޮށް ލީގު ބުރުގެ އެއްވަނަ މާވަހި ސްޕޯޓްސް ކުލަބުން ކަށަވަރުކޮށްފި
