logoEN
Sto top
ފަސޭހަކަމާއެކު އެޓޭކް އެޓޭކް އެޓޭކް ބަލިކޮށް ގުޅުން ކަންމަތި ފައިނަލުން ޖާގަ ހޯދައިފި

ފަސޭހަކަމާއެކު އެޓޭކް އެޓޭކް އެޓޭކް ބަލިކޮށް ގުޅުން ކަންމަތި ފައިނަލުން ޖާގަ ހޯދައިފި

ހަސަން ޝަމްއޫން

logo

8/16/2025, 12:02:41 AM

# ދިވެހި ކުޅިވަރު # ކުޑަހުވަދޫ ކައުންސިލް ފުޓްސަލް މުބާރާތް 2025

އެޓޭކް އެޓޭކް އެޓޭކް އާއި ގުޅުން ކަންމަތި ވާދަކުރި މެޗުގެ ތެރެއިން..ފޮޓޯ: ކުޑަހުވަދޫ ކައުންސިލް

މިހާރު ކުރިއަށްދާ "ކުޑަހުވަދޫ ކައުންސިލް ފުޓްސަލް މުބާރާތް 2025" ގެ ފިރިހެން ޑިވިޝަން ސެމީފައިނަލް ފުރަތަމަ މެޗުގައި ފަސޭހަކަމާއެކު 4-0 ގެ ނަތީޖާއަކުން އެޓޭކް އެޓޭކް އެޓޭކް ބަލިކޮށް ގުޅުން ކަންމަތިން މުބާރާތުގެ ފައިނަލުން ޖާގަ ހޯދައިފިއެވެ.

Wamco

މުބާރާތުގެ ސެމީފައިނަލުން ގުޅުން ކަންމަތި ޖާގަހޯދީ ގުރޫޕް ސްޓޭޖުގައި ކުޅުނު ހަތަރު މެޗުން ވެސް މޮޅުވެ 12 ޕޮއިންޓާއެކު ގުރޫޕް އެކެއްްގެ އެއްވަނަ ޓީމުގެ ގޮތުގައެވެ. އަދި އެޓޭކް އެޓޭކް އެޓޭކް ސެމީފައިނަލުން ޖާގަހޯދީ ގުރޫޕް ސްޓޭޖުގައި ކުޅުނު ހަތަރު މެޗުން ހޯދި ހަތަރު ޕޮއިންޓާއެކު ގުރޫޕް ދޭއްގެ ދެވަނަ ޓީމުގެ ގޮތުގައެވެ.

މެޗުގެ ފުރަތަމަ ހާފުގައި މޮޅަށް ކުޅެ ގުޅުން ކަންމަތިން މެޗު ޑޮމިނޭޓްކުރިއިރު ފުރަތަމަ ހާފުގެ ކުޅުން ނިމުނީ 3-0 ގެ ނަތީޖާއަކުން ގުޅުން ކަންމަތި ކުރީގައި އޮވެގެންނެވެ. އަދި ދެވަނަ ހާފުގައި އެޓޭކް އެޓޭކް އެޓޭކް އިން ކުޅުން ރަނގަޅުކުރި ނަމަވެސް މިހާފުގައި ގުޅުން ކަންމަތިން ވަނީ އިތުރު އެއްލަނޑު ކާމިޔާބުކޮށްފައެވެ.

އެގޮތުން މިމެޗުގައި ގުޅުން ކަންމަތީގެ ހުސެއިން އިފްހާމް ދެލަނޑު ކާމިޔާބުކުރިއިރު، އެޓީމުގެ ހުސެއިން ޝާމިހް އަދި އަހުމަދު އާޖިލް މުހައްމަދު ފަޔާޒު މިއިން ކޮންމެ ކުޅުންތެރިއަކު ވަނީ މިމެޗުގައި އެއްލަނޑު ކާމިޔާބުކޮށްފައެވެ. އަދި މިމެޗުގެ މޮޅު ކުޅުންތެރިއަކަށް ހޮވުނީ ގުޅުން ކަންމަތީގެ ހުސެއިން އިފްހާމް އެވެ.

މިނަތީޖާއެކު މިމަހުގެ 17 ވަނަ ދުވަހުގެ ރޭ ކުޅޭ މުބާރާތުގެ ފައިނަލުގައި ގުޅުން ކަންމަތިން ނުކުންނާނީ ސެމީފައިނަލުގެ ދެވަނަ މެޗުގައި ޑްރީމް އެފްސީ އާއި ރުއްދަށް އެސްސީ ވާދަކުރާ މެޗުން މޮޅުވާ ޓީމަކާއި ދެކޮޅަށެވެ.

8 އޮގަސްޓް 2025 އިން 17 އޮގަސްޓް 2025 ގެ ނިޔަލަށް، ކުރިއަށްދާ މިމުބާރާތުގައި މިއަހަރު ޖުމްލަ ހަ ޓީމަކުން ބައިވެރިވެފައިވާއިރު، މުބާރާތުގެ މެޗުތައް ކުރިއަށް ދަނީ ބައިވެރިވި ހަ ޓީމު ދެގުރޫޕަކަށް ބަހާލައިގެންނެވެ. އަދި ކޮންމެ ގުރޫޕަކުން ވެސް އެންމެ ރަނގަޅު ނަތީޖާއެއް ހޯދާ ދެޓީމު ސެމީފައިނަލަށް ހޮވޭގޮތަށެވެ.

ޗެންޕިއަން ޓީމަށް 20،000 އަދި ރަނަރަޕް ޓީމަށް 10،000 ރުފިޔާގެ ފައިސާގެ އިނާމެއް ހުށަހަޅާފައިވާއިރު މުބާރާތުގެ އޮފިޝަލް މީޑިއާ ޕާޓްނަރަކީ ގާފު ސްޕޯޓްސް އެވެ.

E living
ކޮމެންޓް
E living
ފަހުގެ
HDC