logoEN
Sto top
ދެވަނަ މެޗުން ވެސް މޮޅުވެ ޑްރީމް އެފްސީ ގުރޫޕްގެ އެއްވަނައަށް

ދެވަނަ މެޗުން ވެސް މޮޅުވެ ޑްރީމް އެފްސީ ގުރޫޕްގެ އެއްވަނައަށް

ހަސަން ޝަމްއޫން

logo

8/11/2025, 8:55:45 AM

# ދިވެހި ކުޅިވަރު # ކުޑަހުވަދޫ ކައުންސިލް ފުޓްސަލް މުބާރާތް 2025

ޑްރީމް އެފްސީ އާއި އެފްސީ ބްރަދާސް ވާދަކުރި މެޗުގެ ތެރެއިން.. ފޮޓޯ: ކުޑަހުވަދޫ ކައުންސިލް

މިހާރު ކުރިއަށްދާ "ކުޑަހުވަދޫ ކައުންސިލް ފުޓްސަލް މުބާރާތް 2025" ގެ ފިރިހެން ޑިވިޝަން ގުރޫޕް ދޭއްގައި ރޭ ޑްރީމް އެފްސީ އާއި އެފްސީ ބްރަދާސް ވާދަކުރި މެޗު 5-2 ގެ ނަތީޖާއަކުން ޑްރީމް އެފްސީ އިން ކާމިޔާބުކޮށްފިއެވެ.

Wamco

މުބާރާތުގެ ގުރޫޕް ސްޓޭޖުގައި ޑްރީމް އެފްސީ ކުޅުނު ފުރަތަމަ މެޗުގައި 5-1 ގެ ނަތީޖާއަކުން އެޓޭކް އެޓޭކް އެޓޭކް އަތުން މޮޅުވެފައިވާއިރު، މިއީ އެފްސީ ބްރަދާސް އިން މުބާރާތުގައި ކުޅުނު ފުރަތަމަ މެޗެވެ.

މެޗުގެ ފުރަތަމަ ހާފުގައި މޮޅަށް ކުޅެ ޑްރީމް އެފްސީ އިން މެޗު ޑޮމިނޭޓްކުރިއިރު، ފުރަތަމަ ހާފުގެ ކުޅުން ނިމިގެންދިޔައީ 2-0 ގެ ނަތީޖާއަކުން ޑްރީމް އެފްސީ ކުރީގައި އޮވެގެންނެވެ. އަދި ދެވަނަ ހާފުގައި ދެޓީމުގެ ފަރާތުން ވާދަވެރި ކުޅުމެއް ފެނިގެންދިޔައިރު، މިހާފުގައި ޑްރީމް އެފްސީ އިން އިތުރު ތިންލަނޑު ކާމިޔާބުކުރިއިރު، އެފްސީ ބްރަދާސް އިން ވެސް ވަނީ ދެލަނޑު ކާމިޔާބުކޮށްފައެވެ.

އެގޮތުން މިމެޗުގައި ޑްރީމް އެފްސީގެ އަރީފް މަހްމޫދު ދެލަނޑު ކާމިޔާބުކުރިއިރު، އެޓީމުގެ އަމިލް އަލީ އަދި މުހައްމަދު އަރީޝް މިއިން ކޮންމެ ކުޅުންތެރިއަކު ވަނީ އެއްލަނޑު ކާމިޔާބުކޮށްފައެވެ. އަދި އެޓީމުގެ އަނެއް ލަނޑަކީ އެފްސީ ބްރަދާސްގެ މުހައްމަދު ޒާހީ އަތުން ބައިކޮޅަށް ވަން ލަނޑެކެވެ.

މީގެ އިތުރުން މިމެޗުގައި އެފްސީ ބްރަދާސްގެ ހުސެއިން އިހުސާން އަދި އަހުނަފު އިސްމާއިލް މިއިން ކޮންމެ ކުޅުންތެރިއަކު އެއްލަނޑު ކާމިޔާބުކުރިއިރު، މެޗުގެ މޮޅު ކުޅުންތެރިއަކަށް ހޮވުނީ ޑްރީމް އެފްސީގެ އާމިލް އަލީ އެވެ.

8 އޮގަސްޓް 2025 އިން 17 އޮގަސްޓް 2025 ގެ ނިޔަލަށް، ކުރިއަށްދާ މިމުބާރާތުގައި މިއަހަރު ޖުމްލަ ހަ ޓީމަކުން ބައިވެރިވެފައިވާއިރު، މުބާރާތުގެ މެޗުތައް ކުރިއަށް ދަނީ ބައިވެރިވި ހަ ޓީމު ދެގުރޫޕަކަށް ބަހާލައިގެންނެވެ. އަދި ކޮންމެ ގުރޫޕަކުން ވެސް އެންމެ ރަނގަޅު ނަތީޖާއެއް ހޯދާ ދެޓީމު ސެމީފައިނަލަށް ހޮވޭގޮތަށެވެ.

ޗެންޕިއަން ޓީމަށް 20،000 އަދި ރަނަރަޕް ޓީމަށް 10،000 ރުފިޔާގެ ފައިސާގެ އިނާމެއް ހުށަހަޅާފައިވާއިރު މުބާރާތުގެ އޮފިޝަލް މީޑިއާ ޕާޓްނަރަކީ ގާފު ސްޕޯޓްސް އެވެ.

E living
ކޮމެންޓް
E living
ފަހުގެ
HDC