logoEN
Sto top
10 ޓީމާއެކު ކުޑަހުވަދޫ ކައުންސިލް ފުޓްސަލް މުބާރާތް މާދަމާ ރޭ ފަށަނީ

10 ޓީމާއެކު ކުޑަހުވަދޫ ކައުންސިލް ފުޓްސަލް މުބާރާތް މާދަމާ ރޭ ފަށަނީ

ހަސަން ޝަމްއޫން

logo

8/7/2025, 11:34:39 AM

# ކުޑަހުވަދޫ ކައުންސިލް ފުޓްސަލް މުބާރާތް 2025# ދިވެހި ކުޅިވަރު

ކުޑަހުވަދޫ ކައުންސިލް ފުޓްސަލް މުބާރާތް 2024 ގެ ޗެންޕިއަން ޓީމު..

ކުޑަހުވާދޫ ކައުންސިލްގެ ތިންވަނަ ފުޓްސަލް މުބާރާތުގައި މިއަހަރު 10 ޓީމަކުން ބައިވެރިވެފައިވާއިރު، މުބާރާތުގެ ކުޅުން މާދަމާ ރޭ ފެށުމަށް ތައްޔާރު ވެއްޖެއެވެ.

Wamco

8 އޮގަސްޓް 2025 އިން 17 އޮގަސްޓް 2025 ގެ ނިޔަލަށް، ދެޑިވިޝަނަކަށް ބަހާލައިގެން ކުރިއަށްގެންދާ މިމުބާރާތުގައި މިއަހަރު ޖުމްލަ 10 ޓީމަކުން ބައިވެރިވެފައިވާއިރު، އޭގެ ތެރޭގައި ހިމެނެނީ ފިރިހެން ހަ ޓީމާއި އަންހެން ހަތަރު ޓީމެވެ.

އެގޮތުން މުބާރާތުގެ އަންހެން ޑިވިޝަންގެ މެޗުތައް ކުރިއަށް ގެންދިއުމަށް ހަމަޖެހިފައިވަނީ ބައިވެރިވި ހަތަރު ޓީމުގެ މެދުގައި ލީގު އުސޫލުން ކޮންމެ ޓީމެއް ކޮންމެ ޓީމަކާއި އެއްމެޗު ކުޅެ އެންމެ ރަނގަޅު ނަތީޖާއެއް ހޯދާ ދެޓީމު ފައިނަލަށް ހޮވޭގޮތަށެވެ. އަދި އަންހެން ޑިވިޝަންގެ ފައިނަލް ކުޅުމަށް ހަމަޖެހިފައިވަނީ 16 އޮގަސްޓް 2025 ވަނަ ދުވަހުގެ ރޭ އެވެ.

މީގެ އިތުރުން މުބާރާތުގެ ފިރިހެން ޑިވިޝަންގެ މެޗުތައް ކުރިއަށް ގެންދިއުމަށް ހަމަޖެހިފައިވަނީ ބައިވެރިވި ހަ ޓީމު ދެގުރޫޕަކަށް ބަހާލައިގެންނެވެ. އަދި ކޮންމެ ގުރޫޕަކުން ވެސް އެންމެ ރަނގަޅު ނަތީޖާއެއް ހޯދާ ދެޓީމު ސެމީފައިނަލަށް ހޮވޭގޮތަށެވެ. އަދި ފިރިހެން ޑިވިޝަންގެ ސެމީފައިނަލް ދެމެޗު 16 އޮގަސްޓް 2025 ވަނަ ދުވަހުގެ ރޭ ކުޅުމަށް ހަމަޖެހިފައިވާއިރު، ފައިނަލް ކުޅުމަށް ހަމަޖެހިފައިވަނީ 17 އޮގަސްޓް 2025 ވަނަ ދުވަހުގެ ރޭ އެވެ.

ޗެންޕިއަން ޓީމަށް 20،000 އަދި ރަނަރަޕް ޓީމަށް 10،000 ރުފިޔާގެ ފައިސާގެ އިނާމެއް ހުށަހަޅާފައިވާ މި މުބާރާތަކީ ކުޑަހުވަދޫގެ ޒުވާނުންގެ މެދުގައި އެކުވެރިކަމާއި އެއްބައިވަންތަކަން އާލާކުރުމުގެ އިތުރުން ދުޅަހެޔޮ މުޖުތަމައެއް ބިނާކުރުމަށް ކުޅިވަރުގެ ތެރެއިން ޒުވާނުންނަށް ވާދަވެރި ފުރުސަތުތަކެއް ހޯދައިދިނުމުގެ ގޮތުން ކުޑަހުވާދޫ ކައުންސިލްގެ ފަރާތުން ބާއްވަމުން އަންނަ މުބާރާތެކެވެ.

E living
ކޮމެންޓް
E living
ފަހުގެ
HDC