ޓީވައިއީއެސްގެ ހަ ކުޅުންތެރިއަކު ޓްރޭނިންގ ކޭމްޕެއްގައި ބައިވެރިވުމަށް ތައިލެންޑަށް

ހޭންޑްބޯޅަ މޯލްޑިވްސްގެ އިތުރުން ޕްރޯ ސްޕޯޓްސް އެކަޑަމީގެ އެހީތެރިކަމާއެކު ތުޅާދޫ ޔަންގް އީގަލް ސްޕޯޓްސް (ޓީވައިއީއެސް) އިން ހޯދައިދިން ޓްރޭނިންގ ކޭމްޕެއްގައި ބައިވެރިވުމަށް ޓީވައިއީއެސްގެ ހަ ކުޅުންތެރިއަކު ތައިލެންޑަށް ފުރައިފިއެވެ.

ޓީވައިއީއެސްގެ އިވެންޓް މެނޭޖަރު މިހާދު ރަޝީދު ގާފު ސްޕޯޓްސްއަށް މައުލޫމާތުދިން ގޮތުގައި 6 އޮގަސްޓް 2025 އިން 12 އޮގަސްޓް 2025 އަށް ތައިލެންޑްގެ ނެޝަނަލް ސްޕޯޓްސް ޔުނިވާސިޓީގައި ކުރިއަށްދާ މި ޓްރޭނިންގ ކޭޕްގައި ބައިވެރިވާ ދިވެހި ކުޅުންތެރިންނަށް ތައިލޭންޑްގެ ސީނިއާ ޤައުމީ ޓީމާއެކު ފަރިތަކުރުމުގެ ފުރުސަތު ލިބިގެންދާނެއެވެ.

"މިފުރުސަތުގައި ކުލަބުގެ ފަރާތުން ހޭންޑްބޯޅަ މޯލްޑިވްސްގެ ރައީސަށާއި މިކޭމްޕުގައި ބައިވެރިވި ކުޅުންތެރިންގެ ބެލެނިވެރިންނަށް ޝުކުރުއަދާކުރަން، ހާއްސްކޮށް ހޭންޑްބޯޅަ މޯލްޑިވްސްގެ ރައީސް މުޖޭ ސަރ ގެ ފަރާތުން މިފުރުސަތު ހޯދައިދިނުމަށް ވެދެއްވި އެހީތެރިކަން ފާހަގަކުރަން"..

މިއީ ރާއްޖޭގެ ކުލަބަކުން ހޭންޑްބޯޅަ ކުޅުންތެރިންތަކެއް ބޭރަށް ފޮނުވައިގެން ތަމްރީނުކުރާ ފުރަތަމަ ފަހަރެވެ. އަދި މީގެ ސަބަބުން ކުރިއަށް އޮތް ހޭންޑްބޯޅަ ސީޒަނަށް ޓީވައިއީއެސް އިން ތައްޔާރުވާއިރު، މި ކުޅުންތެރިންގެ ތަޖުރިބާގެ ސަބަބުން ޓީމު އިތުރަށް ވަރުގަދަވެގެންދާނެކަމަށް ގަބޫލުކުރެވެއެވެ.

މި ތަމްރީން ޕްރޮގުރާމުގައި ބައިވެރިވުމަށް އިއްޔެ ތައިލޭންޑަށް ފުރި ޓީވައިއީއެސް ހަ ކުޅުންތެރިންގެ ތެރޭގައި ހިމެނެނީ ފިރިހެން ތިން ކުޅުންތެރިންނާއި އަންހެން ތިން ކުޅުންތެރިންނެވެ.

ތައިލެންޑް ޓްރޭނިންގ ޕްރޮގްރާމުގައި ބައިވެރިވި ކުޅުންތެރިން:

- އައިނާ ލަތީފް

- އައިލް މަޖީދު

- އާމިނަތު ލާ އަލީ ޚަލީލް

- އިބްރާހިމް ނާއިފް

- އާމިނަތު އުލްޔާ ބިންތު މުހައްމަދު ވަސީމް

- އަމްސަލް ރަޝީދު