logoEN
Sto top
އިޖްތިމާޢީ ރައްކާތެރިކަމުގެ ދާއިރާއިން އެހީތެރިކަން ހޯދުމަށް ޗައިނާއާއިއެކު މަޝްވަރާކޮށްފި

އިޖްތިމާޢީ ރައްކާތެރިކަމުގެ ދާއިރާއިން އެހީތެރިކަން ހޯދުމަށް ޗައިނާއާއިއެކު މަޝްވަރާކޮށްފި

އަހުމަދު ޝުރާއު

logo

8/6/2025, 7:33:56 AM

# ޗައިނާ - ރާއްޖެ

-

ރާއްޖެއަށް ކަނޑައަޅުއްވާފައި ހުންނަވާ ޗައިނާގެ ސަފީރު ހިސް އެކްސެލެންސީ ކޮންގް ޝިއަންހުއާ އާއި އިޖުތިމާއި އަދި އާއިލީ ތަރައްޤީއާއި ބެހޭ ވަޒީރު ޑރ. ޢާއިޝަތު ޝިހާމް ބައްދަލުކުރައްވައިފިއެވެ.

Wamco

މި ބައްދަލުވުމުގައި ވަޒީރު ވަނީ ޗައިނާގެ މުއްސަނދި ސަގާފަތާއި އާދަކާދަތަކަށް ތަޢުރީފު ކުރައްވާފައެވެ. އަދި މި އާދަކާދަތަކަކީ، އެޤައުމުގެ އިޖުތިމާޢީ ފޭރާން ރަނގަޅުގޮތުގައި ދެމިއޮތުމުގެ އަސްލުކަމަށްވެސް ވަޒީރު ވަނީ ފާހަގަކުރައްވާފައެވެ. އަދި ދިވެހިރާއްޖެއާއި ޗައިނާއާ ދެމެދު އޮތް ދެމިގެންވާ ގުޅުމަށް ވަޒީރު ވަނީ ޝުކުރު އަދާކުރައްވާފައެވެ.

ހަމައެހެންމެ، ކުރިއަށް އޮތް ތަނުގައި ގުޅިގެން ކުރެވިދާނެ މަސައްކަތްތަކާމެދު މަޝްވަރާކޮށް، އިތުރަށް އެހީތެރިކަން ބޭނުންވާ ކަންކަމާމެދު ވެސް މި ބައްދަލުވުމުގައި މަޝްވަރާކުރެވިފައިވެއެވެ.

ދިވެހިރާއްޖެއަށް ޗައިނާގެ ފަރާތުން ދެމުންދާ އެހީތެރިކަން ކުރިއަށް އޮތް ތަނުގައިވެސް ދެމެހެއްޓޭނެކަމަށާއި އަދި ކުރިއަރާފައިވާ މުސްތަޤްބަލެއް ހިއްސާކުރުމަށްޓަކައި އެކުގައި މަސައްކަތްކުރާނެ ކަމުގެ ޔަޤީންކަން އެކްސެލެންސީ ސަފީރު ކޮންގް ވަނީ ދެއްވާފައެވެ.

E living
ކޮމެންޓް
E living
ފަހުގެ
HDC