ރީކޯ މޫސަ އެމްޑީޕީގެ ޗެއާޕަސަން ކަމުގެ މަގާމަށް ކުރިމަތިލައްވަނީ

އެމްޑީޕީގެ ކުރީގެ ޗެއާޕާސަން ރީކޯ މުސާ މަނިކު އަލުން އެޕާޓީގެ ޗެއާޕާސަންގެ މަގާމަށް ކުރިމަތިލައްވަން ނިންމަވައިފި އެވެ.

ރީކޯ މޫސާ ރޭ އެކްސްގައި ކުރެއްވި ޕޯސްޓެއްގައި ވިދާޅުވީ އެމްޑީޕީގެ ޗެއރޕަރސަންކަމަށް ކުރިމަތިލާން ނިންމާ އެކަން މިދިޔަ ބުދަ ދުވަހުގެ ރޭ އެމްޑީޕީ ހަރުގޭގައި އޮތްޖަލްސާގައި ޢިއުލާނުކޮށްފައިވާނެ ކަމަށެވެ.

އަދި ޗެއާޕާސަންގެ މަގާމަށް ކުރިމަތިލައްވަނީ. އެމްޑީޕީ ހަމަ މަގަށް އެޅުވުމަށާއި ޕާޓީގާ އިހުއޮތް ރޫޙުއާލާކުރުމަށް ކަމަށްވެސް ރީކޯ މޫސާ ވިދާޅުވިއެވެ.

ރީކޯ މޫސަވަނީ 2011 ވަނަ އަހަރު އެމްޑީޕީގެ ޗެއާޕާސަންގެ މަގާމު ފުރުއްވާފައި އެވެ. ނަމަވެސް 2014 ވަނަ އަހަރު ރައްޔިތުންގެ މަޖިލީހުގައި ނެގުނު ވޯޓެއްގައި ޕާޓީގެ ތްރީ ލައިން ވިޕާއި ހިލާފުވުމާއި ގުޅިގެން އެމްޑީޕީން އޭނާ ވަކިކުރިއެވެ. އަދި އެޔަށްފަހު 2017 ވަނަ އަހަރު ރީކޯ ވަނީ އޭރުގެ ވެރިކަން ކުރި ޕީޕީއެމްއާއި ގުޅިވަޑައިގެންފައި އެވެ. ނަމަވެސް އެޔަށްފަހު ގިނަ ދުވަސްތަކެއް ސިޔާސީ މައިދާނާއި ދުރުގައި ހުންނެވުމަށްފަހު ރީކޯ މޫސަ އަނބުރާ އެމްޑީޕީއާއި ގުޅިވަޑައިގެންނެވި 2022 ވަނަ އަހަރުގެ ތެރޭގައި އެވެ.

އަދި އެޔަށްފަހު 2023 ވަނަ އަހަރުގެ އިންތިހާބުގައި ރައީސް އިބްރާހިމް މުހައްމަދު ސޯލިހް ދެވަނަ ދައުރަކަށް އިންތިހާބު ކުރުމަށް ރީކޯ މޫސާ ވަރަށް އިސްކޮށް އެމްޑީޕީގެ ރިޔާސީ ކެމްޕެއިންގައި މަސައްކަތްކުރެއްވި އެވެ.