ބިލެތްދޫއާއި މަގޫދޫ ސިއްހީ މަަރުކަޒު އަޕްގްރޭޑްކުރުމުގެ މަސައްކަތް ސަމާލު ކޮންސްޓްރަކްޝަނަށް!

ފ. ބިލެއްދޫ އާއި ނ މަގޫދޫގެ ޞިއްޙީމަރުކަޒު އަޕްގްރޭޑްކުރުމުގެ މަސައްކަތް ކޮންޓްރެކްޓަރާއި ހަވާލުކޮށްފި އެވެ.

މިއަދު އޮތް ޚާއްސަ ރަސްމިއްޔާތެއްގައި މި ދެ މަޝްރޫއުގެ މަސައްކަތް ސަރުކާރުން ހަވާލުކޮށްފައިވަނީ ސަމާލު ކޮންސްޓްރަކްޝަން ޕްރައިވެޓް ލިމިޓެޑާއި އެވެ.

އެގޮތުން މި ދެ މަޝްރޫއުގެ އެއްބަސްވުމުގައި ހެލްތު މިނިސްޓްރީގެ ފަރާތުން ސޮއިކުރެއްވީ މިނިސްޓަރ އޮފް ހެލްތުގެ ނައިބު، އަލްއުސްތާޛް އިސްމާޢިލް ޒާހިރު އަދި ހަވާލުކުރެއްވި ކުންފުނީގެ ފަރާތުން ސޮއިކުރެއްވީ ސަމާލު ކޮންސްޓްރަކްޝަން ޕްރައިވެޓް ލިމިޓެޑް"ގެ ލީގަލް ކައުންސެލް، މުޙައްމަދު ޒަޔާން ޢަބްދުﷲއެވެ.

އަރިހުގައި އެ ދެދާޢިރާގެ އިއްޒަތްތެރި މެމްބަރުން ބައިވެރިވަޑައިގެންނެވި އެވެ.

ބިލެއްދޫ ހެލްތު ސެންޓަރުގެ މަސައްކަތް ސަރުކާރުން ސަމާލު ކޮންސްޓްރެކްޝަނާއި ހަވާލުކުރީ 180 ދުވަހުގެ ތެރޭގައި ނިންމުމަށް 4.3 މިލިއަން ރުފިޔާއަށެވެ. ހެލްތު މިނިސްޓްރީން ބުނީ މިޕްރޮޖެޓްގެ ދަށުން ވޯޑަކާއި، ލެބޯޓްރީ، ނާސް ސްޓޭޝަން، ޕްރޮސީޒަރ ރޫމް، ލޯންޑްރީ އަދި ސްޓޯރ ރޫމް އިތުރުކުރެވިގެންދާނެ ކަމަށެވެ.

މަގޫދޫ ހެލްތު ސެންޓަރުގެ މަސައްކަތް ހަވާލުކޮށްފައިވަނީ 180 ދުވަހުގެ ތެރޭގައި ނިންމުމަށް 4.8 މިލިއަން ރުފިޔާއަށެވެ. އަދި މި ޕްރޮޖެޓްގެ ދަށުންވެސް ވޯޑަކާއި، ލެބޯޓްރީ، ނާސް ސްޓޭޝަން، ޕްރޮސީޒަރ ރޫމް، ލޯންޑްރީ އަދި ސްޓޯރ ރޫމް އިތުރުރެވިގެންދާނެ ކަމަށް ހެލްތު މިނިސްޓްރީން ބުނެއެވެ.