ޓެކްނިކަލް މައްސަލައެއް ދިމާވެ ޓްރާންސްޕޯޓުގެ ހިދުމަތްތަށް ވަގުތީ ގޮތުން މެދުކެނޑިއްޖެ

ޓެކްނިކަލް މައްސަލައެއް ދިމާވެ ޓްރާންސްޕޯޓު މިނިސްޓްރީގެ ހިދުމަތްތައް މެދުކެނޑިއްޖެ އެވެ.

ޓްރާާންސްޕޯޓު މިނިސްޓްރީން މިއަދު އެކްސްގައި ކުރި އިއުލާނެއްގައި ބުނީ ދިމާވި ޓެކްނިކަލް މައްސަލައަކާއި ގުޅިގެން މިނިސްޓްރީގެ ޚިދުމަތްތައް ވަގުތީގޮތުން މެދުކެނޑިފައިވާ ކަމަށާއި މިނިސްޓްރީން ޓެކްނިކަލް ޓީމުން މި މައްސަލަ ވީހާވެސް އަވަހަކަށް ހައްލުކުރުމަށް މަސައްކަތް ކުރަމުންދާކަމަށެވެ. ބައެއް ނޫސްތަކުން ރިޕޯޓުކުރާ ގޮތުގައި މައްސަލަ ދިމާވެފައިވަނީ މިނިސްޓްރީގެ ސާވާއަށެވެ.

އަދި މިނިސްޓްރީން ވަނީ މި ދަތި ވަގުތުގައި އެންމެ ބޭފުޅުން ދެއްވާ އެއްބާރުލެއްވުމާއި ކެތްތެރިކަމަށްޓަކައިޝުކުރު ދަންނަވައި އަދި މިކަމުގެ ސަބަބުން އެންމެ ބޭފުޅުންނަށް ކުރިމަތިވެދާނެ އުނދަގޫތަކަށް މާފަށް އެދިފައި އެވެ.

ސާވަރ އަށް މައްސަލަޖެހި ޓްރާންސްޕޯޓް މިނިސްޓްރީގެ ހިދުމަތްތައް މެދުކެނޑިފައިވާއިރު، އެމިނިސްޓްރީގެ ގިނަ ހިދުމަތަތްތައް ދެމުން އަންނަނީ އޮންލައިންކޮށެވެ.