މޯލްޑިވްސް ކަސްޓަމްސް ސަރވިސްގެ 135 ވަނަ އަހަރީ ދުވަހުގެ ތަހުނިޔާ ރައީސް މުއިއްޒު ފޮނުއްވައިފި

މޯލްޑިވްސް ކަސްޓަމްސްގެއަހަރީ ދުވަހުގެ މުނާސަބަތުގައި، ކަސްޓަމްސްގެ ވެރީންނާއި ހުރިހާ މުވައްޒަފުންނަށް، ރައީސުލްޖުމްހޫރިއްޔާ ޑޮކްޓަރ މުޙައްމަދު މުޢިއްޒު، ތަހުނިޔާ ފޮނުއްވައިފިއެވެ.

މިއަދަކީ ރާއްޖޭގައި ކަސްޓަމްސްގެ ހިދުމަތް ފެށުނުތާ 135 އަހަރު ފުރޭ ދުވަހެވެ.

ރައީސް ތަހުނިޔާ ފޮނުއްވީ މިއަދު އެ މަނިކުފާނުގެ ރަސްމީ އެކްސް އެކައުންޓުން ޙިއްޞާކުރެއްވި ޕޯސްޓުގައެވެ. ރައީސުލްޖުމްހޫރިއްޔާގެ ޕޯސްޓުގައި، ޤައުމީ ޚިދުމަތުގައި، ކަސްޓަމްސް އަށް އަބަދުވެސް ކުރިއެރުމާއި ކާމިޔާބީއަށް އެ މަނިކުފާނު ވަނީ އެދިވަޑައިގެންފައެވެ.

ދިވެހިރާއްޖޭގައި ކަސްޓަމްސްގެ ޚިދުމަތްދޭން ފަށާފައިވަނީ މީލާދީން 1890 ވަނަ އަހަރުގެ ޖުލައި މަހުގެ 18 ވަނަ ދުވަހުއެވެ.