އެން.ސީ.އެސްއިން ދުވާފަރާއި އުނގޫފާރުގައި އައުޓްރީޗް ޕްރޮގްރާމްތަކެއް ކުރިޔަށްގެންދަން ތައްޔާރުވެއްޖެ

ނޭޝަނަލް ކެރިޔަރސް ސަރވިސެސް (އެން.ސީ.އެސް)ގެ ފަރާތުން ރ އަތޮޅުގައި ވަޒީފާގެ މައިދާނަށް އަލަށް ނިކުންނަ ޒުވާނުންނަށް ތަފާތު ހުނަރުތައް ދަސްކޮއްދިނުމުގެ ގޮތުން އައުޓްރީޗް ޕްރޮގްރާމްތަކެއް ކުރިއަށްގެންދިޔުމަށް ތައްޔާރުވެއްޖެ އެވެ.

މިގޮތުން މި ޕްރޮގްރާމް ރ އަތޮޅުގައި ކުރިޔަށް ގެންދިޔުމަށް ހަމަޖެހިފައިވަނީ ރ އަތޮޅު ދުވާފަރާއި އުނގޫފާރުގައި އެވެ.

ދުވާފަރުގައި ކުރިއަށްގެންދިޔުމަށް ހަމަޖެހިފައިވާ އައުޓްރީޗް ޕްރޮގްރާމް ކުރިއަށްގެންދިޔުމަށް ހަމަޖެހިފައިވަނީ 15 ޖުލައި 2025 ވާ އަންގާރަ ދުވަހުއެވެ.

އަދި އުނގޫފާރުގައި ކުރިއަށްގެންދިޔުމަށް ހަމަޖެހިފައިވާ އައުޓްރީޗް ޕްރޮގްރާމް ކުރިއަށްގެންދިޔުމަށް ހަމަޖެހިފައިވަނީ 16 ޖުލައި 2025 ވާ ބުދަ ދުވަހުއެވެ.

މި އައުޓްރީޗް ޕްރޮގްރާމްތަކުގައި، ކެރިޔާ ގައިޑެންސް، ޖޮބް ސެންޓަރ ޕޯޓަލްއަށް އަހުލުވެރިކުރުވުމާއި، ޒުވާނުންގެ ހުނަރުވެރިކަން އިތުރުކުރުމަށް އިސްނަގައިގެން ކުރެވިދާނެ މަސައްކަތްތަކާއި، ސީ.ވީ ތައްޔާރުކުރުމާއި ވަޒީފާ ހޯދުމަށް އިންޓަވިއުއަށް ތައްޔާރުވުމުގައި ސަމާލުކަންދޭންޖެހޭ ކަންކަމުގެ މައްޗަށް އަލިއަޅުވައިލެވޭނެއެވެ.