.jpg&w=3840&q=75)
ވެރިކަމުގައި ހުންނަވައި ޔާމީން ސިންގަޕޫރަށްކުރި ކޮންމެ ދަތުރެއްކުރީ، ވަގު ޑީލުހަދާ ދަޢުލަތް ލޫޓުވަން - ފަލާހް
# ޕީޖީ ލީޑަރު ފަލާހް--
ކުރީގެ ރައީސް އަބްދުالله ޔާމީން އަބްދުލްގައްޔޫމް ވެރިކަމުގައި ހުންނެވި ދުވަސްވަރު ސިންގަޕޫރަށް ވަޑައިގެންނެވީ ވަގު ޑީލުތައް ހެދުމަށް ކަމަށް ޕީއެންސީގެ ޕީޖީ ލީޑަރު އިބްރާހިމް ފަލާހް ވިދާޅުވެއްޖެ އެވެ.

ފަލާހް މިފަދައިން ވިދާޅުވީ ރައީސް ޔާމީން އެމަނިކުފާނުގެ ސިޔާސީ ޕާޓީ، ޕީއެންއެފްގެ ޖަލްސާއެއްގައި ހަނިމާދޫ އެއަރޕޯޓު އިންޑިއާގެ އަދާނީ ގްރޫޕަށް ވިއްކާލަން ނުވަތަ ކުއްޔަށް ދިނުމާއި ގުޅޭ މަޝްވަރާތަކެއް ރައީސް ޑރ.މުޙައްމަދު މުޢިއްޒު ސިންގަޕޫރަށް ކުރެއްވި ދަތުރުފުޅުގެތެރެއިން ކޮށްފައިވާކަމަށް ވިދާޅުވުމާއި ގުޅިގެންނެވެ.
އެގޮތުން އެކަމަށް ރައްދު ދެއްވައި ފަލާހް އެކްސްގައި ކުރެއްވި ޕޯސްޓެއްގައި ވިދާޅުވީ ޔާމީން އެމަނިކުފާނުގެ އަމިއްލަ ވެރިކަމުގައި ބަލިވެގެންކަމަށް ހަދާފައި، ސިންގަޕޫރަށްކުރި ކޮންމެ ދަތުރެއްކުރީ، ވަގުޑީލުހަދާ ދަޢުލައިތް ލޫޓުވަން ކަމަށެވެ. އަދި ރައީސް މުއިއްޒު ސިންގަޕޫރަށް ކުރައްވާ ދަތުރުފުޅުތަކަކީވެސް އެފަދައިން ކަންކުރައްވާ ދަތުރުފުޅު ތަކެއް ކަމަށް ޔާމީނަށް ހީފުޅުކުރެވެނީ ކަމާއި "ތިހީވަނީ ހުރިހާވެރިންވެސް އެކަންކުރާނީއެހެންކަމަށް" ވިދާޅުވެ ފަލާހް ވަނީ ޔާމީނަށް ފާޑުވިދާޅުވެފައި އެވެ.
"ހަސަނަށްހީވާނެ، ފުޅަށްބުޑުންދަންޏަ، ކެޔޮގަނޑު ކަނޑާލާނެހެން. އަޅެފަހެދުލުން ލާރިނޫން އެއްޗެއްބޭރުވާންވެެއްޖެއްނު " ފަލާހްގެ ޕޯސްޓުގައި ލިޔުއްވާފައި ވެއެވެ.
ހަނިމާދޫ އެއަރޕޯޓު އިންޑިއާގެ އަދާނީ ގްރޫޕަށް ވިއްކާލަން ނުވަތަ ކުއްޔަށް ދިނުމާއި ގުޅޭ މަޝްވަރާތަކެއް ރައީސް ޑރ.މުޙައްމަދު މުޢިއްޒު ސިންގަޕޫރަށް ކުރެއްވި ދަތުރުފުޅުގެތެރެއިން ކޮށްފައިވާކަމަށް ޔާމީން ކުރެއްވި ތުހުމަތުތައް ސަރުކާރުން ވަނީ ދޮގުކުރައްވާފައި އެވެ.
އެގޮތުން އެކޮނޮމިކް މިނިސްޓަރު މުހައްމަދު ސައީދު ވިދާޅުވީ ހަނިމާދޫ އިންޓަރނޭޝަނަލް އެއަރޕޯޓު ވިއްކާލަން ނުވަތަ ކުއްޔަށް ދިނުމަށް ސަރުކާރުން ނިންމަވާފައި ނުވާކަމަށާއި އެކަމާއި ގުޅޭ މަޝްވަރާތަކެއް ރައީސުލްޖުމްހޫރިއްޔާ ޑރ.މުޙައްމަދު މުޢިއްޒު ސިންގަޕޫރަށް ކުރެއްވި ދަތުރުފުޅުގެތެރެއިން ކުރިއަށް ގޮސްފައިވާކަމަށް ބުނެ ފަތުރަނީ ދޮގުކަމަށެވެ.