ހޫތީންގެ ބެލިސްޓިކް މިސައިލް ހަމަލާއެއް އިސްރާއީލަށް!

ޔަމަނުގެ ހޫތީން އިސްރާއީލަށް އަމާޒުކޮށް މިސައިލް ހަމަލާއެއް ފޮނުވާލައިފި އެވެ.

ބޭރުގެ އިތުބާރުހުރި ރިޕޯޓުތައް ބުނާގޮތުގައި ޔަމަނުން ފޮނުވާލި މިސައިލް ހަމަލާއަކާއި ގުޅިގެން އިސްރާއީލުގެ ބޮޑު ސަރަހައްދެއްގައި ވައިގެ ސައިރެންގެ އަޑުތައް ވަނީ ގަދަވެފައި އެވެ.

އެގޮތުން ހޫތީން މިރޭ ފޮނުވާލާފައިވަނީ ބެލިސްޓިކް މިސައިލެއް ކަމަށްވެސް ރިޕޯޓުތައް ދަނީ ބުނަމުންނެވެ.

މެދުއިރުމަތީގެ ހަބަރުތައް ގެނެސްދޭ އަލްޖަޒީރާއިން ވެސް ދާދީ ދެންމެ އަކު ވަނީ ހޫތީންގެ މިސައިލް ހަމަލާއެއް އިސްރާއީލަށް އަމާޒުވެފައިވާކަން ކަށަވަރުކޮށްދީފައި އެވެ.

އެގޮތުން އިސްރާއީލު އަސްކަރިއްޔާ އާއި ހަވާލާދީ އަލްޖަޒީރާއިން ރިޕޯޓުކުރާ ގޮތުގައި އިސްރާއީލާ ދިމާލަށް ފޮނުވާލި މިސައިލް ހުއްޓުވުމަށް އިސްރާއީލުގެ ދިފާއީ ނިޒާމުތަކުން ދަނީ މަސައްކަތް ކުރަމުންނެވެ.