ޓަގު ބޯޓަކާއި ލޯންޗެއް ޖެހި އެކްސިޑެންޓެއް: ލޯންޗުގެ ކެޕްޓަނަށް އަނިޔާވި!

މާލެ ސަރަހައްދުގައި ޓަގު ބޯޓަކާއި ލޯންޗެއް ޖެހި އެކްސިޑެންޓެއް ހިނގައިފި އެވެ.

މެރިން ޕޮލިސް އިން މިއަދު ފޭސްބުކުގައި ކުރި ޕޯސްޓެއްގައި ބުނީ މިއަދު މެންދުރު ފަހު 15:30 ހާއިރު މާލެއިން އދ އަތޮޅަށް ދަތުރުކުރި ލޯންޗަކާއި މާލެ އެމްޕީއެލް ޖެޓީޢަށް ވަންނަން ދިޔަ ޓަގެއް ޖެހި އެކްސިޑެންޓުވުމާއި ގުޅިގެން މެރިން ޕޮލިހުން ހަރަކާތްތެރިވަމުންދާ ކަމަށެވެ.

އެގޮތުން މި އެކްސިޑެންޓުގައި ލޯންޗުގެ ކެޕްޓަނަށް އަނިޔާވެ ހޮސްޕިޓަލުގައި ފަރުވާ ދެމުންދާކަމަށް މެރިން ޕޮލިހުން ވަނީ ބުނެފައި އެވެ. މެރިން ޕޮލިހުން އިތުރަށް ބުނީ މި އެކްސިޑެންޓުގައި އިތުރު މީހަކަށް އަނިޔާވެފައި ނުވާ ކަމަށެވެ.

މި އެކްސިޑެންޓުގެ ތަހުގީގު މެރިން ޕޮލިހުން ދަނީ ކުރަމުންނެވެ.

.