ހުޅުދުއްފާރާއި މަޑުއްވަރީގެ ފުޓްބޯޅަ ދަނޑުގައި ޓާރފް އެޅުމަށް ބޭނުންވާ ސާމާނުތައް އެރަށްތަކަށް ފޮނުވައިފި

ރޯޑް ޑިވެލޮޕްމެންޓު ކޯޕަރޭޝަނާއި ހަވާލުކޮށްގެން ރ އަތޮޅުގައި ކުރިޔަށް ގެންދާ ފުޓްބޯޅަ ދަނޑުތަކުގެ މަސައްކަތްތަކަށް ބޭނުންވާ ސާމާނު އެރަށްތަކަށް ފޮނުވައިފި އެވެ.

އާރްޑީސީއީން ސާމާނު ފޮނުވާފައިވަނީ ރ އަތޮޅު ހުޅުދުއްފާރާއި މަޑުއްވަރީގެ ފުޓްބޯޅަ ދަނޑުގެ މަސައްކަތަށް ބޭނުންވާ ސާމާނުތައް ކަމަށް އެކުންފުނީން މިއަދު ވަނީ ހާމަކޮށްފައި އެވެ.

އާރްޑީސީން ބުނީ ހުޅުދުއްފާރު ފުޓުބޯޅަ ދަނޑުގައި ޓާފް އެޅުމަށް ބޭނުންވާ ސިލިކާ ވެލި އެރަށަށް ފޮނުވައި، އަންލޯޑް ކުރުމުގެ މަސައްކަތް މިހާރު ކުރަމުންދާ ކަމަށާއި މަޑުއްވަރީ ފުޓުބޯޅަ ދަނޑުގައި ޓާފް އެޅުމަށް ބޭނުންވާ ސިލިކާ ވެލިވެސް ފޮނުވައި، އަންލޯޑް ކުރުމުގެ މަސައްކަތް މިހާރު ކުރަމުންދާ ކަމަށެވެ.

ރާއްޖޭގެ އެކި ރަށްރަށުގައި ފެެށިފައި ހުރި މިފަދަ މަޝްރޫއުތައް ނިންމުމަށް އާރްޑީސީގެ އިތުރުން ފެނަކައާއި އެމްޓީސީސީއާއިވެސް ކުޅިވަރާއި ބެހޭ ވުޒާރާއިން ވަނީ ދާދި ފަހުން ހަވާލުކޮށްފައި އެވެ. އަދި މަޝްރޫއުތައް ހަވާލުކުރުމާއި އެކު ގިނަ މަޝްރޫއުތަކެއްގެ އަމަލީ މަސައްކަތްތައް މިހާރު ވަނީ ފެށިފައި އެވެ.