ކަނބަލުންނަށް ޚާއްސަކޮށްގެން ސްޓެލްކޯއިން ކުރިޔަށް ގެންދާ އިލެކްޓްރިޝަން ކޯސް 16 ކަނބަލަކު ފުރިހަމަކޮށްފި

ކަނބަލުންނަށް ޚާއްސަކޮށްގެން ސްޓެލްކޯއިން ކުރިޔަށް ގެންދާ އިލެކްޓްރިޝަން ކޯސް 16 ކަނބަލަކު ފުރިހަމަކޮށްފި އެވެ.

ސްޓެލްކޯއިން މިއަދު ބުނީ ކަރަންޓަށް ހޭލުންތެރިކުރުވުމަށާއި، ކަނބަލުންގެ މެދުގައި ކަރަންޓުގެ ދާއިރާއަށް ޝައުގުވެރިކަން އުފައްދުމުގެ މަގުސަދުގައި ކުރިއަށް ގެންދާ "ބިގިނަރސް އިލެކްޓްރިޝަން ކޯސް ފޯ ވިމެން" ގެ ފުރަތަމަ ބެޗް ކާމިޔާބުކަމާއެކު މިއަދު ނިންމާލާފައިވާ ކަމަށެވެ.

އެގޮތުން 3 ދުވަހުގެ މުއްދަތަށް ކުރިއަށްގެންދިޔަ މި ބެޗްގައި 16 ކަނބަލަކު ތަމްރީނުކުރެވިފައިވާއިރު، އެކުންފުނީން ހުޅުވާލި ފުރުސަތުގައި ޖުމްލަ 350 ފަރާތަކުން ވަނީ މި ކޯހަށް ޝައުގުވެރިކަން ފާޅުކޮށްފައި ކަމަށް ސްޓެލްކޯއިން ބުނެއެވެ.

ސްޓެލްކޯއިން އަންނަނީ މި ކޯހުގެ ދެވަނަ ބެޗު ދާދި އަވަހަށް ފެށުމަށް ތައްޔާރުވަމުންނެވެ. މި ފަދަ ކޯސްތަކުގެ ސަބަބުން ކަރަންޓަށް ހޭލުންތެރި މުޖުތަމައުއެއް އުފެދިގެންދާނެއެވެ.