ނ.ވެލިދޫގައި ޑަޔަލިސިސް ގެ ޚިދުމަތް ފަށައިފި

ނ. ވެލިދޫގައި މިއަދު ހެނދުނު ޑަޔަލިސިސް ގެ ޚިދުމަތް ފަށައިފިއެވެ.

ވެލިދޫ ޞިއްޙީ މަރުކަޒުން މިއަދު ވަނީ ދެ ޕޭޝެންޓަކު މި ޚިދުމަތް ހޯދާފައެވެ. ވެލިދޫގައި ޑަޔަލިސިސްގެ ޚިދުމަތް ފެށުމާއި މާލެ ފިޔަވައި 15 ރަށެއްގައި ޑަޔަލިސިސްގެ ޚިދުމަތް މިހާރު ލިބޭނެއެވެ.

މިމަހު ތ އަތޮޅުު ވޭމަންޑޫގައި ވެސް ޑަޔަލިސިސްގެ ޚިދުމަތް ފެށުމަށް ދަނީ މަސައްކަތް ކުރަމުންނެވެ.

ޑަޔަލިސިސްގެ ޚިދުމަތް އެންމެ ފަހުން ފަށާފައިވަނީ ހއ. އިހަވަންދޫގައެވެ. ޑަޔަލިސިސްގެ ޚިދުމަތް މިހާރު ނުފެށި ހުރި އަތޮޅުތަކަކީ، އއ،އދ،ވ،މ،ފ އދި ދ އަތޮޅެވެ.

ސަރުކާރުގެ އަމާޒަކީ މި ދައުރުގެ ތެރޭގައި ރާއްޖޭގެ ހުރިހާ އަތޮޅެއްގައި ޑަޔަލިސިސްގެ ޚިދުމަތް ލިބޭނެގޮތް ހެދުމެވެ.