ސީރިއާގެ އަސްކަރީ މަރުކަޒުތަކަކަށް ޔަހޫދީން ވައިގެ ހަމަލާތަކެއްދީފި

އަހުމަދު ޝުރާއު

4/3/2025, 5:45:43 PM

ސީރިއާގެ އަސްކަރީ މަރުކަޒުތަކަކަށް ޔަހޫދީން ވައިގެ ހަމަލާއެއް ދީފި އެވެ.

ސިިރިއާގެ ބައެއް ނޫސްތަކާއި ހަވާލާދީ ގުދުސް ނިއުސް ނެޓްވޯކުން ރިޕޯޓުކުރާގޮތުގައި އިސްރާއީލުގެ ހަނގުރާމަމަތީ މަތިންދާބޯޓުތަކުން މިރޭ ހަމަލާތަކެއް ދީފައިވަނީ ސީރިއާގެ ދިމިޝްގުގެ ޓަލް ކައުކަބް ސަރަހައްދުގެ އަސްކަރީ މަރުކަޒަކަށާއި އިތުރު އަސްކަރީ މަރުކަޒުތަކަކަށެވެ.

މި ހަމަލާއާއި ގުޅިގެން އަދި މިހާތަނަށް ސީރިއާ އަސްކަރިއްޔާއިންނާއި އިސްރާއީލުގެ އަސްަކަރިއްޔާއިން ރަސްމީ ބަހެއް ބުނެފައި ނުވެއެވެ.

ޣައްޒާއާއި ލުބުނާނުގެ އިތުރުން ޔަހޫދީ އަސްކަރިއްޔާއިން މެދު އިރުމަތީގެ ސުލްހަ ނަގާލުމަށް މިހާރު އެންމެ ބޮޑަށް ހަމަލާތައް ދެމުންދަނީ ސީރިއާއަށެވެ. އެގޮތުން ސީރިއާއަށް ދެމުންދާ ހަމަލާތަކާއި ގުޅިގެން މިއަދު ސައުދީ އަރަބިއްޔާއާއި އިރާނާއި އިރާގުންވެސް ވަނީ ކަންބޮޑުވުން ފާޅުކޮށްފައި އެވެ.