
އެތްލެޓިކޯ ކަޓުވާލުމަށްފަހު ކޮޕާ ޑެލަރޭ ފައިނަލުން ބާސެލޯނާ ޖާގަ ހޯދައިފި
# ދިވެހި ކުޅިވަރު # ބާސެލޯނާ# ކޮޕާޑެލްރޭ# ބޭރު ދުނިޔޭގެ ކުޅިވަރު# އެތްލެޓިކޯ މެޑްރިޑްއެތްލެޓިކޯ މެޑްރިޑާއި ބާސެލޯނާ ވާދަކުރި މެޗުގެ ތެރެއިން...
ކޮޕާ ޑެލަރޭ ސެމީފައިނަލުގެ ދެވަނަ ލެގުގައި ބުދަ ދުވަހުގެ ރޭ ރަށުން ބޭރުގައި އެތްލެޓިކޯ މެޑްރިޑާއި ދެކޮޅަށް ކުޅުނު މެޗު 1-0 ގެ ނަތީޖާއަކުން ކާމިޔާބުކޮށް މުބާރާތުގެ ފައިނަލުން ބާސެލޯނާ ޖާގަ ހޯދައިފިއެވެ.

ސެމީފައިނަލުގެ ފުރަތަމަ ލެގުގައި ބާސެލޯނާގެ ދަނޑުގައި މިދެޓީމު ކުޅުނު މެޗު 4-4 ގެ ނަތީޖާއަކުން ދެޓީމު އެއްވަރުވެފައިވާއިރު، ދެވަނަ ލެގުގެ ނަތީޖާއެކު ބާސެލޯނާ ފައިނަލުން ޖާގަ ހޯދީ 4-5 ގެ އެގްރިގޭޓް ނަތީޖާއަކުން ކުރިހޯދައިގެންނެވެ.
މިމެޗުގައި ބާސެލޯނާގެ ހަމައެކަނި ލަނޑު ފުރަތަމަ ހާފުގެ 27 ވަނަ މިނެޓުގައި ކާމިޔާބުކޮށްދިނީ ފޯވާޑް ފެރާން ޓޮރޭސް އެވެ. މިއީ އެޓީމުގެ ޒުވާން ފޯވާޑް ލަމީން ޔަމާލް ތަނަވަސްކޮށްދިން ފުރުސަތެއްގައި އޭނާ ކާމިޔާބުކޮށްދިން ލަނޑެކެވެ. އަދި ދެވަނަ ހާފުގެ 69 ވަނަ މިނެޓުގައި އެތްލެޓިކޯ މެޑްރިޑުން ލަނޑެއް ކާމިޔާބުކޮށް މެޗުގެ ނަތީޖާ އެއްވަރުކުރި ނަމަވެސް ވީއޭއާރުން ބެލުމަށްފަހު ރެފްރީ ނިންމީ އެއީ އޮފްސައިޑް ލަނޑެއްކަމަށެވެ.
26 އެޕްރީލް 2025 ވަނަ ދުވަހު ކުޅޭ މިމުބާރާތުގެ ފައިނަލުގައި ބާސެލޯނާއިން ނުކުންނާނީ ވާދަވެރި ރެއާލް މެޑްރިޑާއި ދެކޮޅަށެވެ. ރެއާލް މުބާރާތުގެ ފައިނަލުް ޖާގަހޯދީ ސެމީގެ ފުރަތަމަ މެޗުގައި 4-5 ގެ އެގްރިގޭޓް ނަތީޖާއަކުން ރެއާލް ސޮސިއެޑާޑް ބަލިކުރުމަށްފަހު އެވެ. އަދި މިއީ 2014 ވަނަ އަހަރަށް ފަހު މިމުބާރާތުގެ ފައިނަލުގައި މިދެޓީމު ވާދަކުރާ ފުރަތަމަ ފަހަރެވެ.