
--
ގާފު ރެސިޕީ އަކީ ކޮންމެ އަހަރެއްގެ ރަމަޟާން މަހާއި ދިމާކޮށް ގާފު ނޫހުގެ ކިޔުންތެރިންނާއި ހަމައަށް މި ނޫހުގެ ފަރާތުން ގެނެސްދޭ ރެސިޕީއަށް ޚާއްސަ ސެގްމެންޓެކެވެ.

އެގޮތުން މި ސެގްމެންޓު 2023 ވަނަ އަހަރުން ފެށިގެން ކޮންމެ އަހަރެއްގެ ރަމަޟާން މަހުވެސް ގާފު ނޫހުން ގެނެސްދެއެވެ.
1446 ވަނަ އަހަރުގެ ރަމަޟާން މަހުގެ ކޮންމެ ދުވަހެއްގައިވެސް ތަފާތު ރެސިޕީއިން ކިޔުންތެރިންނާއި ހަމައަށް ގެނެސްދެވޭނެ އެވެ. އެގޮތުން މިއަހަރުގެ ރަމަޟާން މަހުގެ 29 ވަނަ ރެސިޕީއެއްގެ ގޮތުގައި މި ގެނެސްމިދެނީ ސްވީޓް ސަންރައިޒް މޮކްޓެއިލް އެވެ.
ބޭނުންވާނެ ތަކެތި
- ސްޓްރޯބެރީ ސިރަޕް
- ސްޕްރައިޓް
- އަލަނާސި ޖޫސް
- އޮރެންޖް (ފޮތިކޮށްފައި)
- އައިސް ކިޔުބް
ތައްޔާރުކުރާނެ ގޮތް
އެންމެ ފުރަތަމަ ތަށީގެ މެދާއި ހަމައަށް އައިސް ކިޔުބް ކޮޅު އަޅާލާށެވެ.
އެއަށްފަހު ސްޓްރޯބެރީ ސިރަޕް އަޅާލާށެވެ. ދެން ފޮތިކޮށްފައި ހުރި އޮރެންޖެތަށް ތަށީގެ ވަށައިގެން ވާހެން އަތުރާލާށެވެ.
އެއަށްފަހު ތަށިފުރެންދެން އައިސްކިޔުބް އެޅުމަށްފަހު ސްޕްރައިޓް އަޅާލާށެވެ. އަދި އަލަނާސި ޖޫސް އަޅާލާށެވެ.
އަދި ހުރިހާ އެއްޗެށް ކުޑަކޮށް ގިރާލުމުން މި ބުއިން ހުންނާނީ ތައްޔާރުކުރެވިފައި އެވެ.