ގާފު ރެސިޕީ: ޓޫނާ ކެސެރޯލް

ގާފު ރެސިޕީ އަކީ ކޮންމެ އަހަރެއްގެ ރަމަޟާން މަހާއި ދިމާކޮށް ގާފު ނޫހުގެ ކިޔުންތެރިންނާއި ހަމައަށް މި ނޫހުގެ ފަރާތުން ގެނެސްދޭ ރެސިޕީއަށް ޚާއްސަ ސެގްމެންޓެކެވެ.

އެގޮތުން މި ސެގްމެންޓު 2023 ވަނަ އަހަރުން ފެށިގެން ކޮންމެ އަހަރެއްގެ ރަމަޟާން މަހުވެސް ގާފު ނޫހުން ގެނެސްދެއެވެ.

1446 ވަނަ އަހަރުގެ ރަމަޟާން މަހުގެ ކޮންމެ ދުވަހެއްގައިވެސް ތަފާތު ރެސިޕީއިން ކިޔުންތެރިންނާއި ހަމައަށް ގެނެސްދެވޭނެ އެވެ. އެގޮތުން މިއަހަރުގެ ރަމަޟާން މަހުގެ 27 ވަނަ ރެސިޕީއެއްގެ ގޮތުގައި މި ގެނެސްމިދެނީ ޓޫނާ ކެސެރޯލް އެވެ.

ބޭނުންވާ ތަކެތި

1. 3 ތަށި މެކަރޯނީ (ކައްކާފައި)
2. 1 މަސް ދަޅު، (ޑްރެއިންކޮށްފައި)
3. 1 ދަޅު ޗިކަން ސޫޕް
4. 1 ޖޯޑު ޗެޑާ ޗީޒް
5. 1 1/2 ޖޯޑު ފިޔާ (ތެލުލާފައި)

ތައްޔާރުކުރާނެ ގޮތް

އަވަން 175 ޑިގްރީ ސެލްސިއަސްއަށް ޕްރީހީޓް ކޮށްލާށެވެ.

ބޭކިން ޑިޝްއެއްގައި ކައްކާފައިވާ މެކަރޯނީ، މަސްދަޅު އަދި ޗިކަން ސޫޕް އެއްކޮށްލާށެވެ.

އަދި މައްޗަށް ޗީޒް ސްޕްރިންކްލްކޮށްލާށެވެ.

ގާތްގަނޑަކަށް 25 މިނިޓް ވަންދެން ފިހެލާށެވެ. ދެން ތެލުލާލަފައި ހުރި ފިޔާކޮޅި މައްޗަށް އަޅާފައި އިތުރު 5 މިނިޓް ފިހެލާށެވެ.

މިހާރު މިހިރީ ޓޫނާ ކެސެރޯލް ތައްޔާރުކޮށް ނިމިފައިއެވެ.