ގާފު ރެސިޕީ: ސްޓްރޯބެރީ ބްރައުނީސް

ގާފު ރެސިޕީ އަކީ ކޮންމެ އަހަރެއްގެ ރަމަޟާން މަހާއި ދިމާކޮށް ގާފު ނޫހުގެ ކިޔުންތެރިންނާއި ހަމައަށް މި ނޫހުގެ ފަރާތުން ގެނެސްދޭ ރެސިޕީއަށް ޚާއްސަ ސެގްމެންޓެކެވެ.

އެގޮތުން މި ސެގްމެންޓު 2023 ވަނަ އަހަރުން ފެށިގެން ކޮންމެ އަހަރެއްގެ ރަމަޟާން މަހުވެސް ގާފު ނޫހުން ގެނެސްދެއެވެ.

1446 ވަނަ އަހަރުގެ ރަމަޟާން މަހުގެ ކޮންމެ ދުވަހެއްގައިވެސް ތަފާތު ރެސިޕީއިން ކިޔުންތެރިންނާއި ހަމައަށް ގެނެސްދެވޭނެ އެވެ. އެގޮތުން މިއަހަރުގެ ރަމަޟާން މަހުގެ 28 ވަނަ ރެސިޕީއެއްގެ ގޮތުގައި މި ގެނެސްމިދެނީ ސްޓްރޯބެރީ ބްރައުނީސް އެވެ.

ބޭނުންވާ ތަކެތި

1. 1 ފޮށި ސްޓްރޯބެރީ ކޭކް މިކްސް
2. 1/2 ޖޯޑު އަންސޯލްޓެޑް ބަޓަރު (މެލްޓްކޮށްފައި)
3. 2 ބިސް
4. 2 މޭޒުމަތީ ސަމުސާ ވެނީލާ އެސެންސް
5. 3 ސްޓްރޯބެރީ (ކުދިކޮށް ކޮށާފައި)
6. 1 1/2 ޖޯޑު އައިސިންގ ޝުގަރ
7. 1/4 މޭޒުމަތީ ސަމުސާ ލޮނު

ތައްޔާރުކުރާނެ ގޮތް

އަވަން 180 ޑިގްރީ ސެލްސިއަސް އަށް ޕްރީހީޓް ކޮށްލާށެވެ.

ކޭކް މިކްސް، ބަޓަރ، ބިސް އަދި 1 މޭޒުމަތީ ސަމުސާ ވެނީލާ އެސެންސް އެއްކޮށްލާށެވެ.

އެއަށްފަހު ޓްރޭއަކަށް އަޅާލާށެވެ. އަދި 16-18 މިނިޓަށް ފިހެލާށެވެ. އަވަނުން ނަގާފައި 20 ވަރަކަށް މިނެޓު ވަންދެން ހިހޫކޮށްލަން ބައިންދާށެވެ.

ދެން މިކްސަރުގައި ސްޓްރޯބެރީ އާއި ބާކީ ހުރި ވެނީލާ އެސެންސް ހިމޫންވަންދެން ގިރާލާށެވެ.

ދެން ސްޓްރޯބެރީ މިކްސްޗަރ އަދި ލޮނު އައިސިންގ ޝުގަރގެ ތެރެއަށް އަޅާފައި ރަނގަޅަށް އެއްކޮށްލާށެވެ.

ދެން ބްރައުނީތަކުގެ މައްޗަށް ސްޓްރޯބެރީ ގްލޭޒް ފަތުރާލުމަށްފަހު ސަރވް ކުރަން ތައްޔާރުވަންދެން ފިނިކޮށްލާށެވެ.

މިއީ ރޯދަ ވީއްލާ ގަޑިއަށް ހަދާލެވޭނެ ވަރަށް މީރު ފޮނި އެއްޗެކެވެ.