
ތައިލެންޑު-މިޔަންމާ ބިންހެލުން: އެދެގައުމުގައި ތިބި ދިވެހިން އެހީއަަށް އެދެން ނަންބަރެއް!
# މިޔަންމާ - ތައިލެންޑު ބިންހެލުން--
މިއަދު ތައިލެންޑާއި މިޔަންމާއަށް އައި ބާރުގަދަ ބިންހެލުމާ ގުޅިގެން ބަލަންޖެހޭ ކަންކަން ބަލަމުން އަންނަ ކަން ފޮރިން މިނިސްޓްރީން ހާމަކޮށްފި އެވެ.

ފޮރިން މިނިސްޓްރީން މިރޭ ނެރުނު ބަޔާނެއްގައި ބުނީ މިއަދު، ތައިލެންޑާއި މިޔަންމާއަށް އައި ބާރުގަދަ ބިންހެލުމާ ގުޅިގެން، އެ މިނިސްޓްރީ އިން ދަނީ އެދެގައުމުގެ ހާލަތު މޮނީޓާރ ކުރަމުން ކަމަސާއި މިގޮތުން، ތައިލެންޑްގައި ދިރިއުޅޭ ދިވެހި ރައްޔިތުންގެ ސަލާމަތާއި ރައްކާތެރިކަން ކަށަވަރު ކުރުމަށް ތައިލެންޑްގައި ހުންނަ ދިވެހިރާއްޖޭގެ އެމްބަސީ މެދުވެރިކޮށް މަސައްކަތް ކުރަމުން އަން އަންނަ ކަމަށެވެ.
އަދި މިހާތަނަށް ބެލިބެލުމުން ތައިލެންޑުގައި ދިރިއުޅޭ ދިވެހިންގެ ޙާލުރަނގަޅުކަމަށް ވަނީ މައުލޫމާތު ލިބިފައިވާ ކަމަށާއި އަދި މިޔަންމާގައި އެއްވެސް ދިވެހި ރައްޔިތަކު މިވަގުތު ހުރިތޯބެލުމަށް ޑިޕްލޮމެޓިކް ޗެނަލްތައް މެދުވެރިކޮށް މަސައްކަތް ކުރަމުން އަންނަ ކަމަށް މިނިސްޓްރީން ބުނެއެވެ.
މި ކާރިސާއާ ގުޅިގެން ތައިލެންޑާއި މިޔަންމާއިން ކުއްލި ހާލަތު އިއުލާނު ކޮށްފައި ވުމާއެކު، އެ ދެ ޤައުމުގެ ކަމާބެހޭ އިދާރާތަކުން މިކަމާ ގުޅިގެން އަންގާ އެންގުންތަކަށްސަމާލުވެ އެއާ އެއްގޮތަށް ޢަމަލު ކުރުމަށް، އެ ދެ ޤައުމުގައި ތިބި ދިވެހި ރައްޔިތުންނަށް މިނިސްޓްރީން ވަނީ އިލްތިމާސްކޮށްފައެވެ.
އަދި މި ކާރިސާއާ ގުޅިގެން، ތައިލެންޑްގައި ތިބި ދިވެހި ރައްޔިތުންގެ ތެރެއިން އެއްވެސް ބޭފުޅަކު އެހީތެރިކަމެއްބޭނުންފުޅުވާނަމަ، ނުވަތަ އިތުރު މަޢުލޫމާތު ސާފުކުރައްވަން ބޭނުންފުޅުވާނަމަ، ތައިލެންޑްގައި ހުންނަ ދިވެހިރާއްޖޭގެ އެމްބަސީގެ ހޮޓްލައިން ނަންބަރަށް ނުވަތަ މިނިސްޓްރީގެ ހޮޓްލައިން ނަންބަރަށް ގުޅުއްވުމަށް ވަނީ އެދިފައި އެވެ. އަދި މިޔަންމާގައި މިވަގުތު އެއްވެސް ދިވެހި ރައްޔިތެއްވާނަމަ، އަދި އެ ބޭފުޅަކަށް އެއްވެސް އެހީތެރިކަމެއް ބޭނުންފުޅުވާނަމަ، ތިރީގައިވާ ނަންބަރުތަކަށް ގުޅުއްވުމަށް ވެސް ވަނީ އެދިފައި އެވެ.
އެމްބަސީ ހޮޓްލައިން ނަންބަރު: 611766502 66+
މިނިސްޓްރީ ހޮޓްލައިން ނަންބަރު:9607983400+
ގުޅުންހުރި

ޗައިނާ، އިންޑިއާ އަދި ރަޝިއާއިން މިޔަންމާއަށް ރެސްކިއު ގްރޫޕްތައް ފޮނުވައިފި

މިޔަންމާ-ތައިލެންޑު ބިންހެލުން: މިޔަންމާއިން މަރުވި މީހުންގެ އަދަދު 1000 އަށްވުރެ މައްޗަށް!

މިޔަންމާ-ތައިލެންޑު ބިންހެލުން: ތައިލެންޑުން މަރުވި މީހުންގެ އަދަދު 9 އަށް, 110 މީހުން އަދިވެސް ނުފެނޭ!
