logoEN
Sto top
ފަސޭހަކަމާއެކު ފިލިޕީންސް އިން ރާއްޖެ ބަލިކޮށްފި

ފަސޭހަކަމާއެކު ފިލިޕީންސް އިން ރާއްޖެ ބަލިކޮށްފި

ހަސަން ޝަމްއޫން

logo

3/25/2025, 1:46:28 PM

# ދިވެހި ކުޅިވަރު

ފިލިޕީންސް ކުޅުންތެރިން ލަނޑުޖެހުމަށްފަހު އުފާފާޅުކުރަނީ

އޭޝިއަން ކަޕް ކޮލިފައިންގެ ތިންވަނަ ބުރުގެ ގުރޫޕް އޭގައި މިއަދު ހަވީރު ފިލިޕީންސް އާއި ދިވެހިރާއްޖެ ވާދަކުރި މެޗު ފަސޭހަކަމާއެކު 4-1 ގެ ނަތީޖާއަކުން ކާމިޔާބު ފިލިޕީންސް އިން ކޮލިފައިންގެ ފެށުން ރަނގަޅުކޮށްފި އެވެ.

Wamco

މުޅި މެޗުގައި ވެސް މޮޅަށް ކުޅެ ފިލިޕީންސް މެޗު ޑޮމިނޭޓްކުރިއިރު، ފުރަތަމަ ހާފުގެ ކުޅުން ނިމިގެންދިޔައީ 2-0 ގެ ނަތީޖާއަކުން ފިލިޕީންސް ކުރީގައި އޮވެގެންނެވެ. އަދި މެޗުގެ ދެވަނަ ހާފުގައި އެޓީމުން އިތުރު ދެލަނޑު ކާމިޔާބުކުރިއިރު، މިހާފުގައި ރާއްޖެއިން ވެސް ވަނީ އެއްލަނޑު ކާމިޔާބުކޮށްފަ އެވެ.

އެގޮތުން މިމެޗުގައި ފިލިޕީންސްގެ ޖެފަސަން ޓަބީނާސް، ބިޔާން މާޓިން ކްރިސްޓެންސެން، ރޭންޑީ ޝްނެއިޑާ އަދި ސަންޑްރޯ ރެޔޭސް މިއިން ކޮންމެ ކުޅުންތެރިއަކު އެއްލަނޑު ކާމިޔާބުކުރިއިރު، ރާއްޖޭގެ ހަމައެކަނި ލަނޑު ކާމިޔާބުކޮށްދިނީ އަލީ ފަސީރު (ސެންޓޭ) އެވެ.

ކޮލިފައިންގެ ގުރޫޕް އޭގައި ރާއްޖެ އާއި ފިލިޕީންސާގެ އިތުރުން މިގުރޫޕްގައި ދެން ހިމެނެނީ ތަޖިކިސްތާނާއި ޓީމޯ ލެސްޓޭ އެވެ. އަދި ތަޖިކިސްތާޏް ވަނީ މިއަދު 1-0 ގެ ނަތީޖާއަކުން ޓީމޯ ލެސްޓޭ ބަލިކޮށްފައެވެ.

ކޮލިފައިންގައި ރާއްޖެ ކުޅޭ ދެވަނަ މެޗުގައި އަންނަ ޖޫން މަހު ޓިމޯ ލެސްޓޭއާ ދެކޮޅަށް ކުޅޭއިރު، އޮކްޓޫބަރު މަހު ތަޖިކިސްތާނާ ދެކޮޅަށް ވެސް ކުޅޭނީ ރަށުން ބޭރުގަ އެވެ. އެއަށް ފަހު ރާއްޖޭގައި ތަޖިކިސްތާނާ ދެކޮޅަށް ކުޅުމަށް ފަހު ނޮވެމްބަރު މަހު ފިލިޕީންސާ ދެކޮޅަށް ވެސް ގަލޮޅު ދަނޑުގައި ކުޅޭނެ އެވެ. އަދި ކޮލިފައިންގެ ފަހު މެޗުގައި ޓިމޯ ލެސްޓޭއާ ދެކޮޅަށް ރާއްޖޭގައި ކުޅޭނީ އަންނަ އަހަރު މާޗު މަހު އެވެ.

Maldivian
ކޮމެންޓް
Maldivian
ފަހުގެ
STELCO Inside