ގާފު ރެސިޕީ: އަންނާރު ލެމަނޭޑް

ގާފު ރެސިޕީ އަކީ ކޮންމެ އަހަރެއްގެ ރަމަޟާން މަހާއި ދިމާކޮށް ގާފު ނޫހުގެ ކިޔުންތެރިންނާއި ހަމައަށް މި ނޫހުގެ ފަރާތުން ގެނެސްދޭ ރެސިޕީއަށް ޚާއްސަ ސެގްމެންޓެކެވެ.

އެގޮތުން މި ސެގްމެންޓު 2023 ވަނަ އަހަރުން ފެށިގެން ކޮންމެ އަހަރެއްގެ ރަމަޟާން މަހުވެސް ގާފު ނޫހުން ގެނެސްދެއެވެ.

1446 ވަނަ އަހަރުގެ ރަމަޟާން މަހުގެ ކޮންމެ ދުވަހެއްގައިވެސް ތަފާތު ރެސިޕީއިން ކިޔުންތެރިންނާއި ހަމައަށް ގެނެސްދެވޭނެ އެވެ. އެގޮތުން މިއަހަރުގެ ރަމަޟާން މަހުގެ 25 ވަނަ ރެސިޕީއެއްގެ ގޮތުގައި މި ގެނެސްމިދެނީ އަންނާރު ލެމަނޭޑެވެ.

ބޭނުންވާ ތަކެތި

3 ބޮޑު އަންނާރު (އޮށްތައް ވަކިކޮށް، ސާފުކޮށްފައި)3 މޭޒުމަތީ ސަމުސާ ހަކުރު3 ލުނބޮލުގެ ހުތްލުނބޯ ފޮތި

ތައްޔާރުކުރާނެ ގޮތް

އެއްޖޯޑު ފެނާއެކު ދެ އަންނާރު އޮށްތަށް ކުޑަކޮށް މިކްސްސަރުގައި އެއްކޮށްލާށެވެ. ( ހިތި ރަހަ ގަދަ ނުވާ ވަރަށް )

އެއްކުރި އަންނާރުކޮޅު ފުރޭންޔެއްގެ ތެރެއަށް އަޅާލައި ޖަގަކަށް ފުރާނާލާށެވެ.

ދެން މިކްސްސަރުގައި މިކްސްނުކޮށް ހުރި އަންނާރު އޮށްކޮޅާ، ހަކުރުކޮޅު ކުޑަ ތެއްޔެގެ ތެރެއަށް އަޅާލުމަށްފަހު އުދުން މަތީ މެދުގިނީގައި5-8 ވަރަކަށް މިނިެޓު ފެނުކައްކާލަން ޖައްސާށެވެ.

އަންނާރުކޮޅު އޮލަވުމުން އުދުން މަތިން ތެލި ނަގާ އަންނާރުކޮޅު ހިހޫ ކުރަން ބަހައްޓާލާށެވެ. އަދި ރަގަނޅަށް ހިހޫވުމުން ފުރޭންޔަކުން ފެނުކެއްކި އަންނާރުކޮޅުގެ ދިޔަތަށް ފުރާނާލާށެވެ.

ޖަގެއްގައި ލުނބޯ ހުތްކޮޅާ، އަންނާރު ޖޫސްކޮޅު އަދި ފެނުކެއްކި އަންނާރުގެ ދިޔަކޮޅު އެއްކޮށްލާށެވެ. އެޔަށްފަހު ކުޑަ އައިސްކިއުބްކޮޅެއް އަޅާލާށެވެ.

މިހާރު މިހިރީ އަންނާރު ލެމަނޭޑް ތައްޔާރުކޮށް ނިމިފައިއެވެ. މިއީ ރޯދަ ވީއްލާ ގަޑިއަށް ވަރަށް ފަސޭހައިން ތައްޔާރުކޮށްލެވޭނެ ބުއިމެކެވެ.