ގާފު ރެސިޕީ: ޓެރިޔާކީ ސެލްމަން ބޮއުލް

ގާފު ރެސިޕީ އަކީ ކޮންމެ އަހަރެއްގެ ރަމަޟާން މަހާއި ދިމާކޮށް ގާފު ނޫހުގެ ކިޔުންތެރިންނާއި ހަމައަށް މި ނޫހުގެ ފަރާތުން ގެނެސްދޭ ރެސިޕީއަށް ޚާއްސަ ސެގްމެންޓެކެވެ.

އެގޮތުން މި ސެގްމެންޓު 2023 ވަނަ އަހަރުން ފެށިގެން ކޮންމެ އަހަރެއްގެ ރަމަޟާން މަހުވެސް ގާފު ނޫހުން ގެނެސްދެއެވެ.

1446 ވަނަ އަހަރުގެ ރަމަޟާން މަހުގެ ކޮންމެ ދުވަހެއްގައިވެސް ތަފާތު ރެސިޕީއިން ކިޔުންތެރިންނާއި ހަމައަށް ގެނެސްދެވޭނެ އެވެ. އެގޮތުން މިއަހަރުގެ ރަމަޟާން މަހުގެ 24 ވަނަ ރެސިޕީއެއްގެ ގޮތުގައި މި ގެނެސްމިދެނީ ޓެރިޔާކީ ސެލްމަން ބޮއުލް އެވެ.

ބޭނުންވާ ތަކެތި:

• 1/4 ޖޯޑު ސޯޔާ ސޯސް
• 3 މޭޒުމަތީ ސަމުސާ ބްރައުން ޝުގާ
• 1 ލޮނުމެދު (ކުދިކޮށް ކޮށާފައި)
• 1 މޭޒުމަތީ ސަމުސާ އިނގުރު (ކޮށާފައި)
• 1 (6 އައުންސް) ސެލްމަން ފިލެޓް
• 1/4 ޖޯޑު ކެރެޓް (ގާނާފައި)
• 2 ރެޑިޝް (ތުނިކޮށް ކޮށާފައި)
• 1 ޖޯޑު ރަތް ކެބެޖް (ކުދިކޮށް ކޮށާފައި)
• 1 ޖޯޑު ކައްކާފައި ހުރި ހަނޑޫ
• 1 މޭޒުމަތީ ސަމުސާ ސެސަމީ ސީޑް
• 1 ގްރީން އަނިއަން (ތުނިކޮށް ކޮށާފައި)

ތައްޔާރުކުރާނެ ގޮތް:

އަވަން 200 ޑިގްރީ ސެލްސިއަސްއަށް ޕްރީހީޓްކޮށްލާށެވެ. ސޯޔާ ސޯސް، ބްރައުން ޝުގާ، ލޮނުމެދު އަދި އިނގުރު ތައްޓެއްގައި އެއްކޮށްލާށެވެ.

ދެން ޓްރޭގައި ސެލްމަން ބާއްވާފައި، އޭގެ މައްޗަށް ޓެރިޔާކީ ސޯސް އަޅާލާށެވެ.12-15 މިނިޓް ވަންދެން އަވަނުގައި ފިހެލާށެވެ.

ބައުލްއަކަށް ބަތް އަޅާފައި ފިހުނު ސެލްމަން ލާށެވެ. ދެން ޓްރޭގައި ހުރި ޓެރިޔާކީ ސޯސް ސެލްމަންގެ މައްޗަށް އަޅާލާށެވެ. ދެން ކޮށާފައި ހުރި ކެބެޖާއި، ކެރެޓާއި، ރެޑިޝް އަޅާލާށެވެ.

ގާނިޝްކޮށްލުމަށް ގްރީން އަނިއަން އާއި ސެސަމީ ސީޑް މައްޗަށް ބުރުވާލާށެވެ.