ގާފު ރެސިޕީ: ޕެސްޓޯ ޕާސްޓާ

ގާފު ރެސިޕީ އަކީ ކޮންމެ އަހަރެއްގެ ރަމަޟާން މަހާއި ދިމާކޮށް ގާފު ނޫހުގެ ކިޔުންތެރިންނާއި ހަމައަށް މި ނޫހުގެ ފަރާތުން ގެނެސްދޭ ރެސިޕީއަށް ޚާއްސަ ސެގްމެންޓެކެވެ.

އެގޮތުން މި ސެގްމެންޓު 2023 ވަނަ އަހަރުން ފެށިގެން ކޮންމެ އަހަރެއްގެ ރަމަޟާން މަހުވެސް ގާފު ނޫހުން ގެނެސްދެއެވެ.

1446 ވަނަ އަހަރުގެ ރަމަޟާން މަހުގެ ކޮންމެ ދުވަހެއްގައިވެސް ތަފާތު ރެސިޕީއިން ކިޔުންތެރިންނާއި ހަމައަށް ގެނެސްދެވޭނެ އެވެ. އެގޮތުން މިއަހަރުގެ ރަމަޟާން މަހުގެ 20 ވަނަ ރެސިޕީއެއްގެ ގޮތުގައި މި ގެނެސްމިދެނީ ޕެސްޓޯ ޕާސްތާ އެވެ.

ބޭނުންވާ ތަކެތި:

• 1 (16 އައުންސް) ޕެކޭޖް ޕާސްތާ
• 2 މޭޒުމަތީ ސަމުސާ ޒައިތޫނި ތެޔޮ
• 1/2 ޖޯޑު ފިޔާ (ކޮށާފައި)
• 2 1/2 މޭޒުމަތީ ސަމުސާ ޕެސްޓޯ
• ލޮނު (ރަހަލާ ވަރަށް)
• އަސޭމިރުސް (ރަހަލާ ވަރަށް)
• 2 މޭޒުމަތީ ސަމުސާ ގްރޭޓެޑް ޕާމޭސަން ޗީޒް

ތައްޔާރުކުރާނެ ގޮތް:

އެންމެ ފުރަތަމަ ޕާސްތާ ކޮޅު ފެނުކައްކާލާށެވެ.

ދެން ވަކި ތެއްޔެއްގައި ތެޔޮ ކޮޅެއް ހޫނުކޮށްލާށެވެ. އަދި އޭގެތެރެއަށް ފިޔާކޮޅު އަޅާފައި ރަތްކޮށްލާށެވެ.

ދެން އޭގެތެރެއަށް ޕެސްޓޯ، ލޮނު އަދި އަސޭމިރުސް އަޅާފައި ކައްކާލާށެވެ.

ދެން މި މިކްޗަރގެ ތެރެއަށް ކުރިން ކެއްކި ޕާސްތާކޮޅު އަޅާފައި ރަނގަޅަށް އެއްކޮށްލާށެވެ.

ނިންމާލަމުން ޕާމޭސަން ޗީޒް މައްޗަށް ބުރުވާލާށެވެ.

މިހާރު މިހިރީ ޕެސްޓޯ ޕާސްތާ ތައްޔާރުކޮށް ނިމިފައިއެވެ.