logoEN
Sto top
ޑޮމެސްޓިކް ރޫޓުތަކަށް ދަތުރުކުރާ ކަސްޓަމަރުންނަށް އިތުރު ފައިދާތަކާއި އެކު ޕްރިމިއަމް އެކޮނޮމީ ތައާރަފްކޮށްފި

ޑޮމެސްޓިކް ރޫޓުތަކަށް ދަތުރުކުރާ ކަސްޓަމަރުންނަށް އިތުރު ފައިދާތަކާއި އެކު ޕްރިމިއަމް އެކޮނޮމީ ތައާރަފްކޮށްފި

އަހުމަދު ޝުރާއު

logo

3/19/2025, 9:05:49 AM

# މޯލްޑިވިއަން

--

ރާއްޖޭގެ ގައުމީ އެއާލައިން, މޯލްޑިވިއަންއިން ރާއްޖޭގެ އެތެރޭގެ އުދުހުންތަކަށް ގިނަ ފައިދާތަކެއް ލިބޭ "ޕްރިމިއަމް އެކޮނޮމީ" ކްލާސް ތައާރަފްކޮށްފި އެވެ.

Wamco

މޯލްޑިވިއަންއިން މިއަދު ބުނީ ގިނަ ފައިދާތަކެއް ކަސްޓަމަރުންނަށް ލިބޭ ޕްރިމިއަމް ކްލާސްގެ ޓިކެޓުތައް މިއަދުން ފެށިގެން ވިއްކަން ފެށި ނަމަވެސް މި ކްލާހުގައި ދަތުރުކުރެވޭނީ އަންނަ މަހުގެ 13 ވަނަ ދުވަހުން ފެށިގެން ކަމަށެވެ.

އެގޮތުން އަލަށް ތައާރަފްކުރި މި ކްލާހަކީ ފަސޭހަކަމާއި ހިތްހަމަޖެހުން އިތުރުކޮށް، ފަސިންޖަރުންނަށް ރަނގަޅު ޓްރެވަލް އެކްސްޕީރިއަންސެއް ލިބޭ ގޮތަށް ފަރުމާކޮށްފައިވާ ކްލާހެއް ކަމަށެވެ. ޕްރިމިއަމްގެ އެކޮނޮމީ ސީޓްތަކުން މިހާރު ދަތުރުކުރާ އެކޮނޮމީ ސީޓްތަކަށްވުރެ އިތުރު ގިނަ ފައިދާތަކެއް ލިބޭނެ އެވެ. އޭގެ ތެރޭގައި 25 ކިލޯގެ ބެގެޖް އެލަވަންސާއި، އެއް ކޮމްޕްލިމެންޓްރީ ޑޭޓް ޗޭންޖާއި، އެއާޕޯޓުގައި އިސްކަންދޭ ޗެކް-އިން ގެ އިތުރުން ދަތުރުފަތުރުގެ ތަޖުރިބާ މިހާރަށްވުރެ ފަސޭހަ އަދި ހަރުދަނާ ގޮތެއްގައި ކުރިއަށް ގެންދިއުމަށް މަގުފަހިކޮށްދިނުން ހިމެނެއެވެ. އަދި މި ކްލާހުގައި މާލެއިން އަންނަ ފްލައިޓްތަކުން ދަތުރުކުރާ ފަސިންޖަރުންނަށް މޫނިމާ ލައުންޖަށް އިތުރު ޗާޖަކާއި ނުލައި ވަދެވޭއިރު، ފްލައިޓްގެ ކުރިން އަރާމުކޮށްލެވޭނެ ފުރުސަތު ފަހިވެގެންދާނެ އެވެ. މި ލައުންޖް އެކްސެސްގެ ސަބަބުން އަރާމުކުރުމުގެ އިތުރުން ރިފްރެޝްމެންޓް ފަދަ އެހެނިހެން ފައިދާތައްވެސް ލިިބިގެންދާނެ ކަން މޯލްޑިވިއަންއިން ހާމަކުރެއެވެ.

ޕްރިމިއަމް އެކޮނޮމީ ކްލާސްގެ ފަސިންޖަރުންނަށް ކޮމްޕްލިމެންޓްރީ ނާސްތާއަކާއި ބުއިމަކަށް ވެސް ލޮނިގެންދާނެ އެވެ. އަދި މި އިނާޔަތްތަކުގެ އިތުރުން ޕްރިމިއަމްއިކޮނޮމީ ދަތުރުވެރިންނަށް ފާސްޓް ޓްރެކް ބެގޭޖް ހޭންޑްލިންގެ އުފާ ލިބިގެންދާނެ ކަމަށާއި އޭގެ މާނައަކީ އެންމެ ފުރަތަމަ ޑެލިވަރީ ކުރާ ލަގެޖްތަކުގެ ތެރޭގައި ޕްރިމިއަމް އެކޮނޮމީ ޕަސެންޖަރުންގެ ލަގެޖް ހިމެނޭނެ ކަމަށް މޯލްޑިވިއަންއިން ބުނެއެވެ.

މޯލްޑިވިއަންގެ އެޕްލިކޭޝަން އަދި ވައިބާ ނެޓްވޯކް މެދުވެރިކޮށް ޕްރިމިއަމް އިކޮނޮމީ ކްލާހުގެ ޓިކެޓްތައް ބުކް ކުރެވޭނެއެވެ. މޯލްޑިވިއަން އިން ރާއްޖޭގެ ގާތްގަނޑަކަށް ހުރިހާ މަންޒިލަކަށް ދަތުރު ކުރަމުންދެއެވެ.

Maldivian
ކޮމެންޓް
Maldivian
ފަހުގެ
STELCO Inside