ރާއްޖޭގައި ދިރިއުޅޭ ލަންކާ ރައްޔިތުންނަށް ޚާއްސަ ދަރުހެއް ބާއްވައިފި

ރާއްޖޭގައި ދިރިއުޅޭ ސްރީލަންކާގެ މުސްލިމް ރައްޔިތުންނަށް ހާއްސަކޮށްގެން އިސްލާމީ ކަންތައްތަކާ ބެހޭ ވުޒާރާއިން ހާއްސަ ދަރުހެއް ބާއްވައިފިއެވެ.

އެވުޒާރާއިން ބުނީ ސަލްމާން މިސްކިތުގެ އޮޑިޓޯރިއަމްގައި މި ދަރުސް ދެއްވީ އައްޝައިޚް މުރުޝިދު މުލައްފާރުއެވެ.

މި ދަރުސްގައި ސްރީލަންކާގެ ގިނަ ރައްޔިތުން ބައިވެރިވެފައިވާއިރު ދަރުސް ކުރިޔަށް ގެންގޮސްފައިވަނީ ޓެމިލް ބަހުންނެވެ.

މިއީ ދިވެހި ރައްޔިތުންނާއި ރާއްޖޭގައި ދިރިއުޅޭ މުސްލިމުން ދީނަށް ހޭލުންތެރިކަން އިތުރުކޮށް، ދީނީ ސައްޙަ މަޢުލޫމާތު ފޯރުކޮށްދިނުމަށް ވުޒާރާއިން ކުރަމުންދާ މަސައްކަތުގެ ދަށުން ކުރިއަަށް ގެންދެވުނު ދަރުހެކެވެ.