ފްލޯޓިންގ ސޯލާ ޕީވީއާ ގުޅޭ ތަމްރީން ޕްރޮގްރާމެއް!

މިނިސްޓްރީ އޮފް ޓޫރިޒަމް އެންޑް އެންވަޔަރަންމަންޓް، އިން ފްލޯޓިންގ ސޯލާ ޕީވީއާ ބެހޭ ދެ ދުވަހުގެ ތަމްރީން ޕްރޮގްރާމެއް ފަށައިފައެވެ.

އިއްޔެ ފެށި މި ތަމްރީން ޕްރޮގްރާމަކީ މިނިސްޓްރީގެ މުވައްޒަފުންނާއި، ޔުޓިލިޓީ ކުންފުނިތަކުގެ މުވައްޒަފުންނާއި އަދި ރެގިއުލޭޓަރީ އޮތޯރިޓީގެ މުވައްޒަފުންގެ ހުނަރާއި މަޢުލޫމާތު އިތުރުކުރުމަށް އަމާޒުކޮށްގެން ބޭއްވޭ ތަމްރީނެކެވެ.

މި ތަމްރީން ޕްރޮގްރާމުގައި ބައިވެރިވާ ފަރާތްތަކަށް ފްލޯޓިންގ ސޯލާ ޕީވީ ޓެކްނޮލޮޖީއާ ބެހޭ އެންމެ ފަހުގެ މަޢުލޫމާތު ފޯރުކޮށްދެވޭނެ ކަމަށް މިނިސްޓްރީން މަޢުލޫމާތު ދެއެވެ. މީގެ އިތުރުން، މި ދާއިރާއިން ރާއްޖޭގައި ކުރިއަށް ގެންދެވިދާނެ މަޝްރޫޢުތަކާ ބެހޭ ގޮތުން މަޝްވަރާކުރެވޭނެ ކަމަށްވެސް ބުނެއެވެ.

ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ގެ ސަރުކާރުން އިއާދަކުރަނިވި ހަކަތައަށް ޚާއްޞަ އަހައްމިއްޔަތުކަމެއް ދެއްވާކަން ފާހަގަކޮށްލެވެއެވެ. މި ތަމްރީން ޕްރޮގްރާމަކީ އެ މަސައްކަތުގެ ތެރެއިން ކުރިއަށް ގެންދެވޭ ޙަރަކާތެއް ކަމަށް މިނިސްޓްރީން ބުނެއެވެ.

ތަމްރީން ޕްރޮގްރާމް ނިމުމާއެކު، ބައިވެރިންނަށް ފްލޯޓިންގ ސޯލާ ޕީވީ ސިސްޓަމްތައް ފަރުމާކުރުމާއި، ބެހެއްޓުމާއި އަދި މެއިންޓެއިން ކުރުމާ ބެހޭ ގޮތުން އިތުރު މަޢުލޫމާތާއި ތަޖުރިބާ ލިބިގެންދާނެ ކަމަށާއި މިއީ ރާއްޖޭގެ ހަކަތައިގެ ދާއިރާ ތަރައްޤީކުރުމަށް އެޅޭ މުހިންމު ފިޔަވަޅެއްގެ ގޮތުގައި މިނިސްޓްރިން ސިފަކުރެއެވެ.